Гупчэм иIофшIэн зыщагъэгъозагъ
Iофтхьабзэу «Гражданский мониторинг» зыфиIорэм хахьэу общественностым илIыкIохэр АР-м хэгъэгу кIоцI IофхэмкIэ и Министерствэ икъэбарлъыгъэIэс гупчэ щыIагъэх.
Министерствэм щызэхащэгъэ Общественнэ советым илIыкIохэу Александр Девтеровымрэ Елена Абакумовамрэ цIыфхэм къэралыгъо фэIо-фашIэхэр афэзыгъэцэкIэрэ гупчэм иIофшIэн зыщагъэгъозэгъагъ.
ЗэIукIэгъум ыпэкIэ гупчэм ипащэу, хэгъэгу кIоцI къулыкъум иполковникэу Юрий Нестеровым яIофшIэн зэрэзэхэщагъэм хьакIэхэр щигъэгъозагъэх. Узыгъэгъозэрэ къэбархэр зытет стендыр зычIэт кабинетэу цIыфхэр зырагъэблагъэхэрэм ачIащагъэх.
Советым хэтхэм гупчэм иотделхэр къарагъэплъыхьагъэх, къэралыгъо фэIо-фашIэу агъэцакIэхэрэм ащагъэгъозагъэх.
Юрий Нестеровым къызэриIуагъэмкIэ, мы илъэсым имэзихэу пыкIыгъэм гупчэм икъулыкъушIэхэм къэралыгъо фэIо-фэшIэ мин 13-м ехъу агъэцэкIагъ. Ащ нэмыкIэу Министерствэм илIыкIо общественникхэр щигъэгъозагъ къэралыгъо фэIо-фашIэхэм ягъэцэкIэнкIэ хэбзэгъэуцугъэм зэхъокIыныгъэу фэхъугъэхэм. Анахьэу ынаIэ зытыригъэтыгъэр электроннэ шIыкIэм тетэу арагъэгъотырэ фэIо-фашIэхэр ары. 2025-рэ илъэсым имэзихэу пыкIыгъэм ЗыкI къэралыгъо порталымкIэ ыкIи муниципальнэ фэIо-фашIэхэмкIэ гупчэм тхылъ 8800-рэ къыIэкIэхьагъ.