Мы илъэсым бэдзэогъум АР-м хэгъэгу кIоцI IофхэмкIэ и Министерствэ наркотикхэр хэбзэнчъэу къезыгъэкIокIыхэрэм алъыплъэгъэнымкIэ игъэIорышIапIэ къэбар къыIэкIэхьагъ IэкIыб къэралыгъохэм къарыкIыгъэхэм наркотик хьылъэхэр Адыгеим ыкIи Краснодар краим ащыIуагъэкIын гухэлъ яIэу.

КъулыкъушIэхэм къэбарэу къаIэкIэхьагъэмкIэ бзэджэшIэ купым хэтыгъэх IэкIыб къэралхэм къарыкIыгъэхэу илъэс 33-рэ, 27-рэ ыкIи 25-рэ зыныбжьхэр. Ахэм наркотикхэр Кощхьэблэ районым щагъэбылъыгъ.
БзэджашIэхэр къызэтегъэуцогъэнхэм фэшI хэ­бзэухъумакIохэм оперативнэ-лъыхъун Iофтхьабзэ-
хэр зэхащагъэх. БзэджашIэхэр наркотикхэр гъэ­былъыпIэхэм ащагъэтIылъхэзэ къаубытыгъэх. Ахэр къызэрекIокIыщтыгъэхэ автомобилыр къулыкъушIэхэм къызагъэуцум, наркотик зыхэлъ пкъыгъо щыхьэгъи 119-рэ къырагъотагъ. Нэужым эксперт-криминалистхэм зэрагъэунэфыгъэмкIэ, ахэр метадон грамми 10 ыкIи эфедрон грамм 21-рэ фэдиз хъу­щтыгъэх.
АР-м хэгъэгу кIоцI IофхэмкIэ и Министерствэ иследственнэ гъэIорышIапIэ бзэджашIэхэм уголовнэ Iоф къафызэIуихыгъ. Мы уахътэм ахэр аубытыгъэхэу изоляторым чIэсых, илъэс 20-м нэс хьапс атыралъхьан алъэкIыщт.
Наркотикхэр хэбзэнчъэу къезыгъэкIокIыхэрэм алъы­плъэгъэнымкIэ ГъэIорышIапIэм икъулыкъушIэхэм ­къаубытыгъэхэм нэмыкI бзэджэшIагъэхэр зэрахьа­гъэхэмэ ауплъэкIу.
КIАРЭ Фатим.