Урысые общественнэ движениеу «Народный фронт» зы­фиIорэм ишъолъыр къутамэу Адыгэ Республикэм щыIэм хэушъхьафыкIыгъэ дзэ операцием хэлажьэхэрэм лъэныкъо зэфэшъхьафхэмкIэ IэпыIэгъу арегъэгъоты. Ахэм автомобилищ зичэзыу IэпыIэгъоу афарагъэщагъ.

Транспортхэр къаIэкIэзгъэхьагъэхэр Федеральнэ хэбзэIахь къулыкъум и ГъэIорышIапIэу АР-м щыIэр, РТРС-р (Урысые телевизионнэ ыкIи радио­къэтынхэмкIэ сетир) ыкIи УФ-м къэу­хъумэгъэнымкIэ и Федеральнэ къулыкъу (ФСО).
Автомобильхэр амытIупщыхэзэ, Народнэ фронтым игуфакIохэм акIуачIэкIэ ахэр техническэу зэтырагъэпсы­хьагъэх: уплъэкIунхэр арашIылIагъэх, агъэцэкIэжьыгъэх, ищыкIэгъэ пкъыгъохэр къафащэфыгъэх. Народнэ полкхэм ахэт чанхэм ыкIи кIэлэ­цIыкIухэм зэолIхэм апае къаугъои-
гъэ шIу­хьафтынхэр автомобиль пэпчъ ралъхьагъэх: зыухъумэхэрэ хъытыухэр, письмэхэр, гъомылапхъэхэр, нэ­мыкIхэр.
Автомобиль псынкIэу «Ford Focus» зыфиIоу хэбзэIахь къулыкъум къари­тыгъэр я 227-рэ артиллерийскэ бригадэм фащэщт. Автобус цIыкIоу «Кубанец» зыфиIорэр РТРС-м къаIэкIигъэ­хьагъэр ыкIи ФСО-м къаритыгъэ UAZ Patriot-р радиационнэ, химическэ ыкIи биологическэ ухъумэнымкIэ подразделением IукIэщт.
Мы уахътэм Народнэ фронтым игуфакIохэм джыри автомобили 10 атIупщынэу агъэхьазыры, игъэкIотыгъэ техническэ гъэцэкIэжьынхэр арашIылIэх.
— Автомобилищыр къытэзытыгъэ къулыкъухэм яграждан пшъэрылъ агъэцэкIагъ. Зэхэт Iофэу дгъэцакIэрэм ар изы IахьышIу хъугъэ. ТикIалэхэм ядзэ пшъэрылъхэр зэшIуахынхэмкIэ, ТекIоныгъэр къагъэблэгъэнымкIэ автомобильхэр IэпыIэгъушIу афэхъущтых, — къы­Iуагъ Народнэ фронтым игъэцэкIэкIо комитет ипащэу Юрий Гороховым.
Фронтым IэпыIэгъу егъэгъотыгъэ­нымкIэ шIоигъоныгъэ зиIэ къэралыгъо къулы­къухэм, организациехэм ыкIи цIыф­хэм акIуачIэ зэхэлъыным Народный фронтыр дэлажьэ.
Урысые общественнэ движениеу «Народный фронт «За Россию» зыфиIорэм ишъолъыр къутам.