КъумпIыл Мурат Адыгеим и Сурэт къэгъэлъэгъуапIэм зыщэIэм «Нацизмэм иукраинскэ лIыкIохэм язекIуакIэхэм ятарихъ» зыфиIоу Адыгэ Республикэм щызэхащагъэр зэригъэлъэгъугъ.

А къэгъэлъэгъоным кIэщакIо фэхъугъэх УФ-м и Къэралыгъо Думэрэ Урысыем къэбархэмкIэ иагентствэу «КъэбарыкIэхэр» зыфиIорэмрэ.
Шъугу къэтэгъэкIыжьы: тижурналистхэм яIофшIагъэхэр мамыр цIыфхэм къинэу алъэгъурэр, Украинэм ибоевикхэм унэ зимыIэжьэу къагъэнагъэхэм, зигупсэхэр зышIокIодыгъэхэу гумэкIыгъошхо хэфагъэхэм, Киев зэрихьэрэ бзэджэшIагъэм ишыхьат хъугъэхэм яIофхэм язытет нэфэгъэ икъу хэлъэу, нэгум хъугъэ-шIагъэхэр къыкIагъэуцохэу гъэпсыгъэх.

— Зэрэхэгъэгоу фэдэу Адыгеими тидзэкIолIхэм адырегъаштэ, нацизмэм текIонхэм пае фэлъэ-
кIыщтыр зэкIэ ешIэ. Общественнэ IофышIэхэм, гуфакIохэм, пар­тиеу «Единэ Россием» хэтхэм, предпринимательхэм, «Народнэ фронтым», непэкIэ Iофхэм язытет ыгъэгумэкIырэ пстэуми афэлъэ­кIыщтымкIэ ащ яIахь хашIыхьэ. ЧIыпIэхэу зэрар зыхьыгъэхэм ащы­псэухэрэм апае цIыфхэм шIушIэ IэпыIэгъур къаугъои, гъомылап­хъэхэр, аппаратурэр ыкIи шъуа­шэхэр тичIыпIэгъухэу хэушъхьа­фыкIыгъэ дзэ опера­цием зышъхьамысыжьэу хэлажьэхэрэм аIэкIа­гъахьэх. ТикIалэхэм цыхьэшIэгъоу тызэ­ракъотыр, ягупсэхэр къызэряжэхэрэр ыкIи шIу зэралъэгъу­хэрэр ашIэн фае, — къыIуагъ АР-м и ЛIышъхьэ.