ФутболымкIэ Урысыем изэнэкъокъу иятIонэрэ лигэ икупэу «Б-м» хэт «Зэкъошныгъэм» я 20-рэ тур къыдыхэлъытэгъэ ешIэгъоу Мыекъуапэ щыриIагъэм щыIукIагъ командэу «Астрахань» зыфиIорэм. Пчъагъэр зэфэдизэу зэIукIэгъур аухыгъ.

«Зэкъошныгъ» — «Астрахань» — 1:1 (1:0).
Къэлапчъэм Iэгуаор дэзы­дзагъэхэр: А. Делэкъор — я 39-рэ такъикъым, И. Предеус — я 47-рэ такъикъым.
«Зэкъошныгъэм» щешIа­гъэх: Т. Хачировыр (къэлэп­чъэ­Iут), С. Черджиевыр, М. Га­джимагомедовыр (Т. Мохбалиевыр), У. Магомедбековыр, К. Юшко (Э. Цанава), К. Антонец, З. Коб­лыр, А. Малкандуевыр (Д. Ширковскэр), Д. Антоненкэр, Г. Абдуллаевыр, А. Де­лэ­къор (Т. Хьэхыр).
Тренер шъхьаIэр — С. Мирошниченкэр.
«Астрахань» хэтыгъэх:
А. Кра­сильниковыр (къэлэпчъэ­Iут), Д. Владимировыр, Р. Маломусовыр, Б. Мусаевыр, Ф. Галочкиныр (И. Предеус), С. Абзалиловыр, Д. Шаталовыр (А. Аб­залиловыр), И. Левченковыр, М. Малыш, А. Болониныр (А. Карповыр), Пачо (Д. Смирновыр).
Тренер шъхьаIэр: А. Бабабян.
ЗэIукIэгъум нэбгырэ 535-рэ еплъыгъ. Командэхэр псынкIэу, узIэпищэу ешIагъэх. «Зэкъошныгъэм» икапитанэу Делэкъо Аскэр я 39-рэ такъикъым къэлапчъэм Iэгуаор дидзагъ. Апэрэ таймыр 1:0-у аухыгъ. ЯтIонэрэ кIэлъэныкъор тикомандэ дэеу ригъэжьагъ. «Астрахань» хэт Илья Предеус
я 46-рэ такъикъым тиухъумакIохэр къызэринэкIхи, къэлапчъэм дэуагъ ыкIи дидзагъ, пчъагъэр 1:1 хъугъэ. ЗэIукIэгъум икIэух, я 90-рэ такъикъым, тикомандэ те­кIо­ныгъэр къыдихыным пэблэ­гъагъ, ау Гаджимурад Абдул­ла­евым ар къыдэхъугъэп. Тикомандэ зэрешIагъэм ыгъэрэзагъ ыкIи футболистхэм ащытхъугъ ащ итренер шъхьаIэу Сергей Мирошниченкэр.

Я 20-рэ турым изэфэхьысыжьхэр:
«Зэкъошныгъ» — «Астрахань» — 1:1, «Динамо-2» — «Динамо Ставрополь» — 0:2, «Спартак-Налщык» — «Кубань Холдинг» — 1:1, «Победа» — «Ростов-2» — 1:0, «Нарт» — «Рубин Ялта» — 2:0, «Шъачэ-2» — «Легион» — 2:2, «Севастополь» — «Ангушт» — 2:0.
Джырэ уахътэм турнир таблицэм «Победэм» пэрытныгъэр щиIыгъ, «Севастополь» я 2-рэ чIыпIэм щыт, «Динамо Ставрополь» ящэнэрэм къэкIуагъ, «Зэ­къошныгъэр» я 9-р. Зичэзыу ешIэгъур тикомандэ шышъхьэIум и 9-м Ялтэ щыриIэщт, «Рубин» IукIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Победа» — 41.
2. «Севастополь» – 39.
3. «Динамо Ставрополь» — 38.
4. «Кубань Холдинг» — 36.
5. «Ростов-2» — 34.
6. «Нарт» — 29.
7. «Астрахань» — 29.
8. «Шъачэ-2» – 28.
9. «Зэкъошныгъ» — 27.
10. «Рубин Ялта» — 25.
11. «Легион» — 24.
12. «Ангушт» — 14.
13. «Спартак-Налщык» — 14.
14. «Динамо-2» — 2.