Адыгэ Республикэм испортсменкэ тхэк­вондо ГТФ-мкIэ дунэе зэнэкъокъоу Зэхэт Араб Эмиратхэм ащыкIуагъэм хагъэу­нэ­фыкIырэ чIыпIэ къы­щыдихыгъ.

Къалэу Эль-Айн щызэрэугъоигъэх къэралыгъо 25-мэ ялIыкIо 630-рэ. Урысыем ихэшыпыкIыгъэ командэ хэтыгъ къуаджэу Кощ­хьаблэ щыщ Зыхьэ Джамиля. Килограмм 70-м нэс къэзыщэ­чыхэрэм якуп ащ зыщиушэ­тыгъ, «спарринг» ыкIи «стоп-балл-спарринг» зыфиIорэ лъэныкъохэмкIэ тыжьын медальхэр къыхьыгъэх. УФ-м ихэшыпыкIыгъэ командэ зэнэкъокъум текIоныгъэр къы­щыдихыным типшъашъэ иIахьышIу хэлъ. Киргизием илIыкIохэм ятIо­нэрэ чIыпIэр аубытыгъ, Казахстан ящэнэрэ хъугъэ.

Тиспортсменкэ ныбжьыкIэ ухьазырыныгъэ дэгъу къыгъэлъэ­гъуагъ, ащ итыжьын медальхэм республикэри Урысыери ащыгушIукIыгъэх. Джамиля мыщ фэдэ гъэхъэгъэшIу ышIынымкIэ, сэнау­щыгъэу хэлъыр къызэIуихынымкIэ Iофышхо ашIагъ ар зыгъэсэрэ тренерхэм.
Рэзэныгъэ гущыIэхэр фэбгъэзэнхэ фае Урысыем тхэквондо ГТФ-мкIэ и Федерацие мы спорт лъэпкъым хэхъоныгъэ ышIыным ыкIи ащ пыщагъэхэм IэпыIэгъу афэхъугъэным ынаIэ зэратыригъэтырэм фэшI. ТихэшыпыкIыгъэ командэ дунэе зэнэкъокъум текIоныгъэр къызэрэщыдихыгъэм джыри зэ къеушыхьаты тхэквондом тикъэралыгъо зызэрэщиу­шъомбгъурэр, ар бэхэм агу зэ­рэрихьырэр.
Тиспортсменхэм якъэралыгъо къызагъэзэжьым, цIыфэбэ апэгъокIыгъ, агъэшIуагъэх, гъэхъа­гъэу ашIыгъэхэмкIэ афэгушIуагъэх.