Гъэмафэм иаужырэ мазэу шышъхьэIур къихьагъ. ИжъыкIэ мыщ «гъэбэжъум имазэкIэ» еджэщтыгъэх. Сыда пIомэ лэ­жьы­гъэр зыщаугъоижьырэ маз.

Мы мазэм фабэр нахь зэкIакIоу ригъэжьэщт, бжыхьэм ифэмэ-бжьымэхэр къытехьащтых. ПчыкIэ уаехэр къыхэфэщтых, къушъхьэхэм пщагъор къащебэ­кIыщт.
ШышъхьэIу мазэр фэбэ дэдэу зыщагъэунэфыгъэр 1961-рэ илъэсыр ары. Фабэр градус 41,3-м нэсэу щыIагъ. 1970-рэ илъэсыр анахь чъыIагъэу агъэунэфыгъ, фабэу градуси 6 нахь щыIагъэп.
ГидрометеорологиемкIэ ыкIи тыкъэ­зыуцухьэрэ дунаим иуплъэкIункIэ Гупчэм къызэритыгъэмкIэ, шышъхьэIум жьы фабэр Атлантикэ лъэныкъом къикIыщт. Ащ ощх инхэр ыкIи пчыкIэ оешхо къыздихьыщт.
ШышъхьэIум фабэу щыIэщтыр ыкIи ощхэу къещхыщтыр шапхъэхэм ашIо­кIыщтэп.
Апэрэ мэфипшIыр. Чэщым градус 16 — 21-рэ щыIэщт. Мафэм фабэр градус 28 — 33-м, джащ фэдэу градус 35-м кIахьэуи хъущт.
ЯтIонэрэ мэфипшIыр. Чэщым градус 15 — 20, мафэм фабэр градус 28 — 33-м кIэхьащт.
Ящэнэрэ мэфипшIыр. Чэщым фабэр градус 17 — 22-рэ, мафэм градус 30 — 35-м анэсыщт.
ШышъхьэIу мазэм псыхъохэм адэт псыр шапхъэу щыIэхэм ашIокIыщтэп.
Ощх бэрэ къыземыщхыкIэ, машIо къэ­хъуным ищынагъо щыIэщт. Мэкъумэщ культурэхэм алъэныкъокIэ, лэжьыгъэм иIухыжьынкIэ ом изытет гумэкIыгъо къыз­дихьыщтэп.
КIАРЭ Фатим.