ПцэжъыеешэнымкIэ муни­ципальнэ зэнэкъо­къухэр Мыекъопэ районым щы­кIуагъэх.

Iофтхьабзэм кIэщакIо фэхъугъ Адыгэ Республикэм пцэжъыеешэн спортымкIэ и Федерацие.
ПсыубытыпIэу «Кужорэм» щызэхащэгъэ зэнэкъокъум зыщызыушэтыгъэхэм пцэжъые 1858-рэ къыхадзыгъ, ахэм тонни 5,8-м ехъу къащэчы. Нэбгырэ тIурытIу хъурэ командэ 18 ащ хэлэ-­
жьагъ.
Пцэжъые анахь иныр (килограмм 12,5-рэ фэдиз къещэчы) къыхэзыдзы­гъэхэр Мыекъопэ районым щыщхэу Кирилл Костинымрэ Виталий Щербаковымрэ. Ахэр хэушъхьафыкIыгъэ шIухьафтынкIэ зэхэщакIохэм къыхагъэщыгъэх. ТекIоныгъэр къыдэзыхыгъэхэр Кузнецовхэу Дмитрийрэ Викторрэ (Мыекъопэ район). Ахэм килограмм 865-рэ къэзыщэчырэ пцэжъые 281-рэ къыхадзыгъ. Команднэ зэнэкъокъухэм Кузнецовхэмрэ Кирилл Костинымрэ Виталий Щербаковымрэ ащатекIуагъэх.
Чемпионатыр гъэшIэгъонэу, узIэпищэу кIуагъэ. Ащ хэлэжьагъэхэм ухьазырыныгъэ дэгъу къагъэлъэгъуагъ. Ащ дакIоу мыщ фэдэ Iофтхьабзэхэм яшIуагъэкIэ пцэжъыеешэн спортым шъолъырым зызэрэщиушъомбгъурэр зэхэщакIохэм хагъэунэфыкIыгъ.
ТекIоныгъэр ыкIи хагъэунэфыкIырэ чIыпIэхэр къыдэзыхыгъэхэм кубокхэр, медальхэр ыкIи шIухьафтынхэр афа­гъэшъошагъэх.