Адыгэ Республикэм и Сурэт къэгъэлъэгъуапIэ «Кавказ диаспорэр» зыфиIорэ къэгъэлъэгъонэу зи Хэкужъ къэзыгъэзэжьыгъэхэм я Мафэ фэгъэхьыгъэр щыкIощт.

Ащ изэхэщакIохэр Адыгэ Республикэм и Сурэт къэгъэлъэгъуапIэрэ Урысыем исурэтышIхэм я Союз и Адыгэ республикэ къутамэрэ.
1998-рэ илъэсым шышъхьэIум и 1-м Адыгеимрэ Урысыемрэ яджырэ тарихъкIэ мэхьанэшхо иIагъ. Автоном краеу Косовэ адыгэу щыпсэухэрэм яапэрэ куп а мафэм Хэкужъым къэкIожьыгъагъ. Ащ къыщыублагъэу илъэс къэс шышъхьэIум и 1-р республикэм щыхагъэунэфыкIы. Къэгъэлъэгъоныр зыфытегъэпсыхьагъэр адыгэ культурэр къэгъэнэжьыгъэныр ыкIи хэхъоныгъэ егъэшIыгъэныр, къош зэпхыныгъэхэм зягъэушъомбгъугъэныр ыкIи ахэр нахь гъэпытэгъэнхэр.
Мыщ къекIуалIэхэрэм живописым, графикэм, декоративнэ-прикладной искусствэм атетэу ашIыгъэ сурэт 60 фэдиз зэрагъэлъэгъун алъэкIыщт. Ахэр зиIофшIагъэхэр: П. Г. Амасьян, Р. М. Алъэскъыр, В. Ф. Баркиныр, Г. Т. Клюжиныр, Н. Хь. ЛэупакIэр, В. М. Мехед, А. В. Россошанскэр, С. М. Умаровыр, К. А. Хетагуровыр, Я. А. Акъызыр, С. К. Меджидовар, Н. А. ДыдыкIыр, А. В. Его­ровыр, Т. М. Къатыр, В. А. Кодолбенкэр, А. М. Къуа­нэр, Г. С. Паштэр, Ф. М. ПIэтIыуащэр, М. Хь. Тыгъу­жъыр, А. А. Хьапыщтыр ыкIи нэмыкIхэр.
Мы къэгъэлъэгъоныр 2025-рэ илъэсым шышъхьэIум и 17-м нэс кIощт.