Мыекъопэ районым ипсэупIэу Шэнтыкъо дэт спорт еджапIэу «Олимп» зыфи­Iо­рэм зы­щызыгъэсэрэ Мелик Аветисян боксымкIэ Евро­пэм ипервенствэ джэрз ме­даль къыщихьыгъ.

Сербием щыкIогъэ зэнэкъокъум илъэс 13 — 14 зыныбжь кIалэхэр ыкIи пшъа­шъэхэр хэлэжьагъэх.
Адыгеим илIыкIо килограмм 48-рэ къэзыщэчыхэрэм якуп зыщиушэтыгъ. Сербием щыщ спортсменым къышIуихьыгъ, ау нэужым Армениер къэзыгъэлъэ­гъорэ ныбжьыкIэр 3:2-у къытекIуагъ ыкIи ящэнэрэ чIыпIэр къыфагъэшъошагъ.
— Меликрэ ар зыгъэсэрэ Адыгеим изаслуженнэ тренерэу Григорий Бег­ларянрэ тренер-кIэлэегъаджэу Азадуи Бег­ларянрэ гъэхъэгъэшIоу ашIыгъэмкIэ са­фэгушIо, тиспортсмен ныбжьыкIэ джыри нахь лъэгэпIэ инхэм анэсынэу фэ­сэIо, — къыIуагъ Мыекъопэ районым иадминистрацие ипащэу Михаил Марь­иным.
Мыщ ыпэкIэ Мелик Аветисян Урысыем изэнэкъокъу текIоныгъэр къыщыдихыгъ, ащ ишIуагъэкIэ Европэм ипервенствэ хэлэжьэн ылъэкIыгъ.