Илъэс 93-м итэу идунай ыхъожьыгъ зэлъашIэрэ журналистэу, илъэс 60 фэдизрэ хьалэлэу илъэпкъ фэлэжьэгъэ Пэнэшъу Хьамзэт Зэчэрые ыкъом.
Ростов дэт къэралыгъо университетым ыуж гъэзетэу «Социалистическэ Аыгеим» (джы «Адыгэ макъэм») ар къыIухьэгъагъ, пстэумкIи илъэс 37-рэ Iутыгъ. Ащ нэужым Адыгэ тхылъ тедзапIэм рагъэблагъи, художественнэ ыкIи кIэлэцIыкIу литературэмкIэ отделым илъэс 26-рэ иредакторыгъ.
Хь. З. Пэнэшъум иIэпэIэсэныгъэ хабзэм осэшIу къыфишIыгъ: «Адыгэ Республикэм изаслуженнэ журналист» зыфиIорэ щытхъуцIэр, Адыгэ Республикэм и Къэралыгъо Совет — Хасэм и Щытхъу тхылъ, Адыгэ Республикэм лъэпкъ IофхэмкIэ, IэкIыб къэралхэм ащыпсэурэ зэлъэпкъэгъухэм адыряIэ зэпхыныгъэхэмкIэ ыкIи къэбар жъугъэм иамалхэмкIэ и Комитет и Щытхъу тхылъ къыфагъэшъошагъэх, Урысыем ижурналистхэм я Союз хэтыгъ.
Пэнэшъу Хьамзэт игупсэхэм тафэтхьаусыхэ, ­якъин адэтэгощы. Тхьэм джэнэт лъапIэ къырет.
АР-м лъэпкъ IофхэмкIэ, IэкIыб къэралхэм ащыпсэурэ лъэпкъэгъухэм адыряIэ ­зэпхыныгъэхэмкIэ ыкIи къэбар жъугъэм ­иамалхэмкIэ и Комитет
Адыгэ тхылъ тедзапIэр
Республикэ гъэзетэу «Адыгэ макъэр»