Урысыем футболымкIэ ипервенствэ хэхьэрэ зэнэкъо­къухэр рагъэжьэжьыгъэх. «Зэкъошныгъэр» бэдзэогъум и 26-м IукIагъ Ингушетием икомандэу «Ангуштым». ЕшIэгъур гъэшIэгъонэу кIуагъэ.

«Зэкъошныгъ» (Мыекъуапэ) — 1:1 (0:1).
Къэлапчъэм Iэгуаор дэзыдза­гъэхэр: Г. Абдуллаевыр — я 22-рэ такъикъым, Р. Тутаевыр — я 63-рэ такъикъым.
Командэхэм ащешIагъэхэр:
«Ангуштыр»: Г. Хаштыровыр (къэлэпчъэIут), А. Гарисултановыр, А. Хамхоевыр, А. Абубакаровыр, Т. Гирзишевыр, А. Осмае­выр, А. Ахильговыр (А. Экажевыр, 84), И. Таркоевыр (Р. Наниевыр, 63), И. Ульбашевыр (Р. Ибрагимо­выр, 63), Р. Чаадаевыр, Р. Тутаевыр.
Тренер шъхьаIэр: У. Мархиевыр.
«Зэкъошныгъэр»: Т. Хачировыр (къэлэпчъэIут), У. Магомедбековыр (Р. Трефиловыр, 63),
С. Черджиевыр, М. Гаджимагомедовыр (Т. Мохбалиевыр, 87), К. Юшко, К. Антонец, З. Коблыр, А. Малкандуевыр (Т. Хьахыр, 87), Е. Рагулькиныр, Г. Абдулаевыр, А. Делэкъор (Д. Антоненкэр, 66).
Тренер шъхьаIэр: С. Мирошниченкэр.
«Зэкъошныгъэр» Назрань зэ­кIом, текIоныгъэр къыдихыным лъэшэу зытыригъэпсыхьэгъагъ, дэгъоу зигъэхьазырыгъагъ. ЕшIэ­кIэ дахэ командитIуми къагъэ­лъэгъуагъ, текIоныгъэм яшъып­къэу фэбэнагъэх. ЗэIукIэгъум ия 22-рэ такъикъ «Зэкъошныгъэр» ыпэ ишъыгъ: Гаджимурад Абдулаевым Iэгуаор бысымхэм якъэ­лапчъэ дигъэфагъ. Я 37-рэ такъи­къым бысымхэм пчъагъэр зэфэдэ ашIын амал яIагъ. Ау «Ангуштым» ащ фэдэ амалыр ыгъэфедэжьын ылъэкIыгъэп, тикъэлэпчъэIут Iэгуаор IэкIэкIыгъэп. Зы такъикъ тешIагъэу Назрань икомандэ нэб­гыри 10-у къэнагъ: А. Абубакаровыр шъофым рагъэкIыгъ. ЗэIукIэгъум иапэрэ Iахь «Зэ­къошныгъэм» текIоныгъэр ыIы­гъэу, пчъагъэр 1:0-у аухыгъ.

ЯтIонэрэ Iахьыр «ЗэкъошныгъэмкIэ» дэеу ежьэгъагъ. Я 60-рэ такъикъым Руслан Тутаевым ти­къэлапчъэ къыдигъэфагъ. Я 75-рэ такъикъым «Зэкъошныгъэм» икъэлапчъэ къыдагъэфэнкIэ тIэкIу иIэжьыгъ, штангэм командэр ыухъумагъ. Такъикъи 10 тешIагъэу Родислав Трофиловыр шъо­фым рагъэкIыгъ ыкIи командэхэр япчъагъэкIэ зэфэдизэу къэна­гъэх. ЕшIэгъур пчъагъэр зэфэдэу ­аухыгъ: 1:1.
Я 19-рэ ешIэгъум изэфэхьысыжьхэр:
«Ангушт» — «Зэкъошныгъ» — 1:1
«Спартак-Налщык» — «Шъа­чэ-2» — 2:2
«Астрахань» — «Нарт» — 2:2
«Рубин Ялта» — «Севастополь» — 1:2
«Ростов-2» — «Динамо-2» — 3:0
«Кубань-Холдинг» — «Динамо-Ставрополь» — 3:1
Командэхэр зыдэщыт чIыпIэхэр ыкIи очко пчъагъэу яIэр:

1. «Победа» (Хасавюрт) — 38
2. «Севастополь» — 36
3. «Кубань-Холдинг» (ст. Павловскэр) — 35
4. «Динамо Ставрополь» — 35
5. «Ростов-2» — 34
6. «Астрахань» — 28
7. «Шъачэ-2» — 27
8. «Нарт» (Черкесск) — 26
9. «Зэкъошныгъ» (Мыекъуапэ) — 26
10. «Рубин Ялта» — 25
11. «Легион» (Махачкала) — 23
12. «Ангушт» (Назрань) — 14
13. «Спартак-Налщык» — 13
14. «Динамо-2» (Махачкала) — 2.