Мыекъуапэ щэкIох
Теннис цIыкIумкIэ Адыгэ Республикэм изэIухыгъэ зэнэкъокъухэм яящэнэрэ мафэ непэ Мыекъуапэ щэкIо.
2025-рэ илъэсым къыщегъэжьагъэу тикъалэ мы зэнэкъокъухэр ящэнэрэу щырагъэкIокIых. Урысые программэу «Урысыем инеущырэ маф» зыфиIорэм зэнэкъокъухэр къыщыдэлъытагъэх. Мыгъэ мыхэм ахэлажьэх Урысыем икъыблэ ишъолъыри 9-мэ къарыкIыгъэ спортсменхэр. Апэ-
рэ мафэм заушэтыгъ теннисист ныбжьыкIэхэу зыныбжь илъэс 12-м нэсыгъэхэм (2014 — 2017): пшъэшъэжъые 24-мэ ыкIи шъэожъые 28-мэ. Шъэожъыехэм азыфагу щыкIогъэ зэнэкъокъухэм текIоныгъэр къыщыдахыгъ Тигран Джумаян, Максим Третьяковым ыкIи Александр Удаловым. Мыхэр Краснодар ыкIи Ставрополь крайхэм къарыкIыгъэх. Пшъэшъэжъыехэм азыфагукIэ зэнэкъокъухэм апэрэ ыкIи ятIонэрэ чIыпIэхэр щаубытыгъэх Пелагея Калининамрэ Полина Олейниковамрэ, тIури Краснодар краим щыщых. Ящэнэрэ хъугъэ Ростов хэкум испортсменкэу Милана Рябоконь.
Адыгеим икIыгъэ спортсменхэм ащыщэу анахь дэгъоу ешIагъэхэм ахалъытагъ Ирина Славновар. Ар финалныкъом нэсыгъ ыкIи я 6-рэ чIыпIэр ыубытыгъ. Бзэго Дамир я 7-рэ хъугъэ.
Непэ сыхьатыр 10-м ыныкъом АКъУ-м испорт ордэунэу Кобл Якъубэ ыцIэ зыхьырэм къыщынэфэщтых зыныбжь илъэс 17-м нэсыгъэ спортсменхэм ащыщэу анахь лъэшхэр. Мыхэм ахэтых Мыекъуапэ испортсмени 6. Тащэгугъы ахэм ешIэкIэ дэгъу къагъэлъэгъонэу.