Адыгэ Республикэм статистикэмкIэ икъулыкъу щыIэныгъэм илъэныкъо хэушъхьафыкIыгъэхэм япхыгъэ упчIэныр тишъо­лъыр щыригъэкIокIыным зыфегъэхьазыры. Ащ хэлэжьэщтхэ нэбгырэ 17-м яегъэджэн аублагъ.

Еджэгъу уахътэр зикIырэм, шышъхьэIу мазэм щегъэжьагъэу мы илъэсыр екIыфэ республикэм ит къалэхэм ыкIи къуаджэхэм ащыпсэурэ унагъохэр къулыкъум илIыкIохэм къакIухьащтых ыкIи упчIэ гъэ­нэфагъэхэр ахэм арысхэм аратыщтых.
СтатистикэмкIэ республикэ къулыкъум къызэритырэмкIэ, зэхафыщт упчIэхэр еджэным, псауныгъэм, социальнэ фэгъэкIотэнхэм ыкIи IофшIэн цIыфхэм агъотынымкIэ IэпыIэгъу зэрарагъэкIырэм япхыгъэщтых.
Зэфэхьысыжьхэм къагъолъэгъон фае щыIэныгъэм илъэныкъоу зыкIэупчIагъэхэмкIэ цIыфхэм ящыкIэгъэ къэралыгъо фэIо-фашIэхэр игъом ыкIи икъоу фагъэцэкIагъэхэмэ.
Къалэу Мыекъуапэ, поселкэхэу Инэм, Тульскэм, Совхознэм, станицэхэу Джаджэм, Кужорскэм, псэу-
пIэу Красногвардейскэм, къуаджэхэу Пэнэжьыкъуае, Щынджые, Кощхьаблэ ыкIи Хьакурынэхьаблэ ащы­псэурэ унэгъо 465-мэ къулыкъум иIофышIэхэм заIуа­гъэкIэнэу щыт.
УпчIэнхэр рекIокIыхэ зыхъукIэ, къекIокIыхэрэм пшъэрылъэу яIэр цIыфэу зыIукIэщтхэм къызэрыкIоу ыкIи игъэкIотыгъэу къафаIотэщт, ищыкIэгъэ тхылъхэри аIыгъыщтых.
Гъомлэшк Байзэт.