Адыгэ Республикэм и Красногвардейскэ район шIушIэ IэпыIэгъу ыгъэхьыгъ Херсон хэкум ит Верхнерогачикскэ муниципальнэ шъолъыр.

Ащ хэхьагъэх спорт шъуашэхэр, шIухьафтын ашIын алъэкIыщт пкъыгъо зэфэшъхьафхэр.
«ШIушIэ IэпыIэгъум хэлъ спорт шъуашэхэм яшIуагъэкIэ тиколлективхэр зэнэкъокъухэм ахэлэжьэнхэмкIэ амалышIу яIэ хъущт, ахэм ятеплъэ агухэр къыIэтыщтых. ШъошакIэхэр – спорт щыгъын къодыехэп, ащ командэр зэрепхы, текIоныгъэм фэ­бэнэнхэмкIэ кIуачIэ къареты», — къыщыхагъэщыгъ муниципальнэ шъо­лъырым.
Спорт шъуашэхэм ямызакъоу, ащ агъэхьыгъэх кубок зэфэшъхьафхэр, медальхэр, щытхъу тхылъхэр. Зэнэкъокъухэм ахэлажьэхэрэр, ащатекIохэрэр ахэмкIэ къыхагъэщынхэ алъэ­кIыщт.
«Херсон хэкум и Верхнеро­гачикскэ муниципальнэ шъолъыр лъэшэу фэраз Адыгеим и Красногвардейскэ район IэпыIэгъу къызэрэригъэкIыгъэм фэшI. Ащ мэхьанэшхо иI тэркIи, тишъолъырхэм зэпхыныгъэу яIэр гъэпытэгъэнымкIи» — къыщеIо район администрацием къагъэхьыгъэ рэзэныгъэ тхыгъэм.