Урысыем инеущых
Урысыем столкIыIу теннисымкIэ и Федерацие ипрограммэу «Урысыем инеущ» зыфиIорэм къыщыдэлъытэгъэ я 3-рэ зэIухыгъэ зэIукIэгъухэр Мыекъуапэ щыкIощтых.
Зэнэкъокъухэр мэфи 4-м телъытагъэх. Бэдзэогъум и 27-м зэIукIэщтых 2014 — 2017-рэ илъэсхэм къэхъугъэхэр. Бэдзэогъум и 28 — 29-м 2012 — 2017-рэ илъэсхэм къэхъугъэхэр зэнэкъокъущтых. Бэдзэогъум и 29-м, щэджэгъоужым, теннис ешIэщтых 2008 — 2017-рэ илъэсхэм къэхъугъэхэр.
ЗэIукIэгъухэр щыкIощтых Кобл Якъубэ ыцIэ зыхьырэ спорт Ордэунэм. Ахэм ахэлэжьэщтых Краснодар ыкIи Ставрополь крайхэм, Ростовскэ ыкIи Херсонскэ хэкухэм, Донецкэ ыкIи Луганскэ народнэ республикэхэм, Къэбэртэе-Бэлъкъарым, Запорожскэ хэкум яспортсменхэр. Тиреспубликэ къагъэлъэгъощт теннисист 40 фэдизмэ. Ахэр Мыекъуапэ, Адыгэкъалэ, Красногвардейскэ, Кощхьэблэ, Мыекъопэ ыкIи Теуцожь районхэм къарыкIыщтых.