Чъэпыогъум и 8-м къыщыубла­гъэу и 12-м нэс зэрэ Урысыеу апэрэ Урысые «Аграрнэ Iорытх» щы­кIощт — мэкъу-мэщыр зы­шIогъэшIэгъон пстэуми гъэгъо­зэн Iофтхьэбзэ инэу ар афэхъущт.

Федеральнэ партийнэ проектэу «Урысые къоджэ псэупIэр» зыфиIорэм къыдыхэлъытагъэу Iорытхым изэхэщакIор Урысые политическэ партиеу «Единэ Россиер» ары, Iахьзэхэлъ обществэу «Россельхозбанкыр» иIэпыIэгъу.
Iофтхьабзэм пшъэрылъэу иIэр — мэкъу-мэщым ылъэныкъокIэ цIыфхэм шIэныгъэу яIэм хэгъэхъогъэныр, Урысыем имэкъумэщ-къыдэгъэкIыжьын комплекс хэхъоныгъэ егъэшIыгъэным анаIэ тырягъэдзэгъэныр.
Мэкъумэщ-къыдэгъэкIыжьыным ­илъэныкъо шъхьаIэ пстэури къыздыхэлъытэгъэ упчIэхэу яхьылъагъэкIэ зэфэшъхьафхэр Iорытхым хэлажьэхэрэм апагъохыщтых: къэкIыхэрэм якъэухъу­мэн, чIыгум игъэфедэн, мелиорацием, органическэ чIыгулэжьыным, фермер IофшIэным афэгъэхьыгъэхэр, нэмыкIхэр.
УпчIэхэр IахьиплIэу гощыгъэщтых: «Илъэс 12-м нэс зыныбжь кIэлэцIы­кIухэр», «Iэтахъохэу илъэс 12-м къыщыублагъэу 18-м нэс зыныбжьхэр», «Нахьыжъхэу сэнэхьат гъэсэныгъэ ыкIи IофшIэкIэ амалхэр мэкъумэщ-къы­дэ­гъэкIыжьынымкIэ къызIэкIэзымыгъэ­хьагъэхэр», «Нахьыжъхэу сэнэхьат гъэ­сэныгъэ ыкIи IофшIэкIэ амалхэр мэкъумэщ-къыдэгъэкIыжьынымкIэ зи­Iэхэр». Iахь пэпчъкIэ зызыушэтыхэрэм упчIэ 30-мэ яджэуапхэр такъикъ 45-кIэ къаратыжьын фае.
Офлайн площадкэм зыщызыушэтыщтхэм зыщарагъэтхышъущт сайтэу агродиктант.рф зыфиIорэм мы илъэсым иIоныгъо мазэ и 1-м къыщыублагъэу и 30-м нэс. Офлайн шIыкIэкIэ тхэщтхэм — Iоныгъом и 1-м къыщыублагъэу чъэ­пыогъум и 7-м нэс, онлайнкIэ — Iоныгъом и 1-м къыщыублагъэу чъэпыогъум и 12-м нэс.
Тестыр закIукIэ, ащ хэлэжьагъэхэм сертификатхэр къаратыжьыщтых, текIуагъэхэм дипломхэр къафагъэшъошэщтых.
Къэбарым икъэкIуапIэр: агродиктант.рф