Атлетикэ псынкIэмкIэ ­Краснодар краим и Кубок ­къыдэхыгъэным фэгъэхьыгъэ зэнэкъокъухэм ахэлэжьагъэ­хэм къахэщыгъ Адыгеим ­испортсменэу Роберт ­Раджабовыр.

Спортсмен ныбжьыкIэм респуб­ликэ спорт еджапIэу N 1-м зыщегъэхьазыры. Краснодар истадио-
нэу «Динамо» зыфаIорэм щыкIогъэ зэнэкъокъухэм ащ метрэ 400 хъурэ гъогууанэу пэрыохъухэр зиIэхэр къащичъын фэягъ. Ар Роберт дэгъу дэдэу ыгъэцэкIэн ылъэкIыгъ, апэрэ чIыпIэр ыубытыгъ.
Роберт егъэхьазыры ятэу Марат Раджабовым. Ащ, тренерым, къызэрэхигъэщыгъэу, илъэс зэкIэлъыкIохэм кIалэм емызэщэу Iоф зэрэзыдишIэжьыгъэм, дисциплинэшхо хэлъэу имурад зэрэфэкIуагъэм мыщ фэдэ къэгъэлъэгъоныр къакIэкIуагъ. ЕтIани тренерым зэрилъытэрэмкIэ, уицыхьэ зытелъыжьыными мэхьа­нэшхо иI. Ятэрэ ыкъорэ акIуачIэ, якъулайныгъэ къатыгъэ текIоныгъэм спортсмен ныбжьыкIэм ыгу къыIэтыгъ, тапэкIи гъэхъэгъэшIухэр ышIынхэм игугъапIэ къыритыгъ.