Зэнэкъокъухэр аублэ­жьынхэм ыпэкIэ футбол командэу «Зэкъошны­гъэм» ныбджэгъу дэкIыгъо зэIукIэгъу дыриIагъ Армавир икомандэу «Торпедэм».

ЗэIукIэгъур мэкIофэ «Зэкъошныгъэм» иешIакIэ къыщигъэ­кIагъэп, ренэу бысымхэм апэ итэу ар аухыгъ. Апэрэ Iэгуаор тифутболистхэм къэлапчъэм да­дзагъ зэIукIэгъум ия 26-рэ та­къикъ. Ащ ыуж такъикъитф нахь темышIэу ятIонэрэ Iэгуаори бысымхэм якъэлапчъэ дагъэфагъ. ЗэIукIэгъум иятIонэрэ Iахь ти­кIалэхэм ящэнэрэу бысымхэм афыдадзагъ. Я 61-рэ такъикъым таблом итыгъ пчъагъэу 4:0.
«Зэкъошныгъэм» анахь дэгъоу щешIагъэу къыхагъэщыгъ Гаджимурад Абдуллаевыр. Тифутболистэу Даниил Антоненкэм мы зэIукIэгъум зы очко командэм къыфихьыгъ. Аужырэ, яплIэнэрэ Iэгуаор бысымхэм ежьхэм якъэлапчъэ дадзэжьыгъ.
Бэдзэогъум и 26-м «Зэкъошныгъэр» Ингушетием икъалэу Назрань щыIукIэщт командэу «Ангушт».