Тэхъутэмыкъое районым щыкIуагъ пцэжъыеешэн спортымкIэ Адыгэ Рес­публикэм ичемпионат.

Iофтхьабзэр къуаджэу Бжы­хьэкъоежъым щырагъэкIокIыгъ. Спортсменхэр нэпкъым тетхэу пцэкъэнтфхэмкIэ пцэжъые ешагъэх. Шапхъэхэм къызэрэда­лъытэщтыгъэу, шъхьэзэкъо ыкIи командэ зэнэкъокъухэу ар зэтеу­тыгъагъ. Iахьищэу зэнэкъокъур гощыгъагъэ, такъикъ 90-рэ Iахь пэпчъ аратыщтыгъ. Командэ пэпчъ нэбгырищ хэтыгъ. ЗэкIэмкIи команди 8 хъущтыгъэх, ахэм Мыекъуапэ ыкIи Мые­къопэ районыр къагъэлъагъо­щтыгъ. Апэрэ чIыпIэр ыубытыгъ командэу «Мые­къуапэ-3» зыфаIуагъэм. Ащ хэтыгъэх Иван Базика, Александр Битюковыр ыкIи Дмитрий Березуцкэр, балл 32-рэ ахэм ра­гъэкъугъ. ЯтIонэрэ хъугъэ «Мые­къуапэ-2-р». Ящэнэрэ чIыпIэр ыубытыгъ командэу «Мыекъопэ район-1» зыцIагъэм.
Зырыз зэнэкъокъухэмкIэ пцэ­жъыяшэхэм азыфагу чемпион хъугъэ спортым имастер хъу­нымкIэ кандидатэу Иван Базик (Мыекъуапэ щыщ), тыжьын медалыр фагъэшъошагъ Денис Сте­фурак, джэрзыр — Богдан ­Таранец (тIури Мыекъопэ рай­оным илIыкIох).