Санитар-эпидемиологие шапхъэхэр зэраукъуагъэм фэгъэхьыгъэу хьыкумым административнэ унашъоу ышIыгъэр хьыкум приставхэм я Мыекъопэ къэлэ отдел икъулыкъушIэхэм агъэцэкIагъ — шхапIэм иIофшIэн зэпагъэугъ.

Бэдзэогъум и 10-м хьыкум приставхэм я Мыекъопэ къэлэ отдел шхапIэм иIоф­шIэн лъэтемытэу къызэтырагъэуцон фаеу зэрыт тхылъыр къыIэкIэхьагъ.
Адыгэ Республикэм и Мыекъопэ къэ­лэ хьыкум изэгъэшIужь хьыкумышI иуна­шъокIэ УФ-м и Уголовнэ кодекс къыдыхэлъытагъэу «ЦIыфхэм гъомылап­хъэ аIэкIэгъэхьэгъэным изэхэщэнкIэ санитар-эпидемиологие шапхъэхэр зэраукъуагъэр» зыфиIорэмкIэ административнэ хэбзэукъоныгъэ зэрэзэрихьагъэм­кIэ унэе предпринимателэу А. лажьэ иIэу агъэунэфыгъ. Хьыкумым иунашъокIэ чэщ-зымэфэ 90-кIэ шхапIэм иIофшIэн къызэтырагъэуцуагъ.
Хьыкум приставым иунашъо зимыгъэ­цакIэкIэ, административнэ пшъэдэкIыжь зэрэрагъэхьын алъэкIыщтыр унэе предпринимателым раIуагъ. ШхапIэр къызэрэзэтырагъэуцуагъэм пылъ адми­нистративнэ пIалъэм къыриубытэу хьыкум приставхэм яунашъо зэрагъэцакIэрэр ауплъэкIущт.
Хьыкум приставхэм я Федеральнэ къулыкъу и ГъэIорышIапIэу АР-м щыIэм ипресс-къулыкъу.