Шахматхэм я Дунэе мафэ ­ехъулIэу Адыгеим ирайонхэм мы спорт лъэпкъымкIэ зэнэ­къокъухэр ащыкIуагъэх.

Кощхьэблэ районымкIэ зэнэкъокъухэр щызэхащагъэх Чыржьын Мухьарбый ыцIэ зыхьырэ спорт комплексым. ЧIыпIэ спортсменхэм ямызакъоу, ахэм ахэлэжьагъэх Курганинскэ ыкIи Лабинскэ къарыкIыгъэхэри. Спортсмен 12 зэнэкъокъухэм ясэнаущыгъэ къащагъэ­лъэгъуагъ. Кощхьаблэхэм хьакIэхэм амал аратыгъэп, текIоныгъэр арагъэ­хьыгъэп.
Апэрэ чIыпIэр ыубытыгъ ГъукIэлI До­лэт. ЯтIонэрэ хъугъэ Курганинскэ къикIыгъэ Юрий Кирюшенкэр, ящэнэрэ чIыпIэр фагъэшъошагъ Лабинскэ щыщ Светлана Пашановам.
ЗэхэщакIохэм шъхьафэу къыхагъэщыгъэх анахь шахматист IэпэIасэмрэ анахь ныбжьыкIэу зэнэкъокъухэм ахэлэжьагъэмрэ. ТекIоныгъэ, хагъэунэ­фыкIырэ чIыпIэхэр къыдэзыхыгъэхэм ахъщэ шIухьафтынхэмрэ дипломхэмрэ аратыгъэх.

Красногвардейскэ районми щыкIуагъэх шахматхэмкIэ зэнэкъокъухэр. Ахэр щырекIокIыгъэх спорт комплексэу «Кавказ» зыфаIорэм. Кiэуххэм къызэрагъэ­лъэгъуагъэмкIэ, хъулъфыгъэхэм азы-­
фагу анахь лъэшэу къычIэкIыгъ Борис Калашниковыр. ЯтIонэрэ чIыпIэр ыубытыгъ Кирилл Четвериковым, ящэнэрэ хъугъэ Джолэкъо Хъусен.
БзылъфыгъэхэмкIэ анахь шахматист IэпэIасэу зыкъигъэлъэгъуагъ Анастасия Поминовам. ЯтIонэрэ чIыпIэр ыубы­тыгъ Надежда Трофимовам, ящэнэрэр фагъэшъошагъ Владислава Трофимовам. Мыхэм зэкIэми медальхэр, шIухьаф­тынхэр, щытхъу тхылъхэр аратыгъэх.