Адыгэ Республикэр къэзыгъэлъэ­гъорэ футбол командэу «Урожай» зыфиIоу поселкэу Тульскэм щызэхэщагъэр Краснодар краим футболымкIэ ичемпионат иапшъэрэ лигэ пытэу хэт.

«Кубань Холдинг-2-м» ар бэмышIэу зыдешIэм, командэхэм къафыхагъэхъогъэ уахътэм (я 91-рэ такъикъым) текIоныгъэр ащ къыдихыгъ, пчъагъэр 2:1-у ешIэгъур аухыгъ. ТекIоныгъэр командэм къыфихьыгъ Никита Скуридиным.
А охътэ дэдэм Мыекъопэ ныбжьыкIэ футбол командэу «Зэкъошныгъ-2-м» ия 14-рэ ешIэгъу стадионэу «Юностым» щыкIуагъ. ФутболымкIэ республикэ еджапIэр къэзы­гъэлъэгъорэ ныбжьыкIэ командэм турнир таблицэм я 7-рэ чIыпIэр щиIыгъ. Ащ ихьэ­кIагъ Краснодар икомандэу «ГНС-Спар-
так» зыфаIорэр, ар я 4-рэ чIыпIэм щыт.
Тренерхэу Александр Белоусрэ Роман Малаховымрэ агъэсэрэ кIалэхэм алъэкI къагъэнагъэп, ау командэм щыщ Платон Сотниковыр ешIэгъум иятIонэрэ Iахь иублэгъум шъофым зэрэрагъэкIыгъэм иягъэ къэ­кIуагъ — хьакIэхэм атекIонхэ алъэкIыгъэп, пчъагъэр 1:0-у ешIэгъур аухыгъ.
Бэдзэогъум и 27-м «Зэкъошныгъ-2-р» IукIэщт Армавир икомандэу «Торпедэм», ащ ыпэрэ мафэм «Тульскэр» футбол дишIэщт поселкэу Выселки икомандэу «Аполлонием».
Командэхэр чIыпIэу зыдэщытхэр ыкIи очко пчъагъэу яIэр:

1. «Урожай» (п. Тульскэр) — 35
2. «Кубань Холдинг-2» (Павловскэ районыр) — 31
3. «Петра-2022» (ст.Новомышатовскэр) — 29
4. «ГНС-Спартак» (Краснодар) — 29
5. «Урожай» (ст. Ивановскэр) — 20
6. «Жемчужина» (Шъачэ) — 17
7. «Зэкъошныгъ-2» (Мыекъуапэ) — 13
8. «Торпедо» (Армавир) — 8
9. «Олимп-Университет» (Краснодар) — 5
10. «Аполлония» (ст. Выселки) — 3.