Адыгэ Республикэм и Къэралыгъо Совет – Хасэм ия 48-рэ зэ­хэсыгъо 2025-рэ илъэсым бэдзэ­огъум и 23-м щыIэщт.

Iофыгъохэу зытегущыIэщтхэм мы къыкIэлъыкIохэрэр ахагъэхьагъэх: законопроектэу «Адыгэ Республикэм и Законэу «Къэлэгъэпсыным ехьылIагъ» зыфиIорэм зэхъокIыныгъэхэр фэшIыгъэнхэм фэгъэхьыгъэм» ятIонэрэу хэплъэгъэныр; законопроектхэу «Адыгэ Республикэм 2025 – 2027-рэ илъэс­хэмкIэ иреспубликэ бюджет ехьы­лIагъ», «Транспорт хэбзэIахьым ехьылIагъ», «ПсэупIэхэм ябюджетхэр зэфэдэ шIыгъэнхэм пае дотациехэр ягъэгъотыгъэнхэмкIэ Адыгэ Респуб­ликэм икъэралыгъо полномочие зырыз­хэр муниципальнэ районхэм чIыпIэ зыгъэIорышIэжьынымкIэ якъулыкъухэм афэгъэзэгъэнхэм ехьылIагъ», «Адыгэ Республикэм икъэралыгъо мылъку игъэзекIон ехьылIагъ», «МэфэкI ыкIи шIэжь мафэхэм афэгъэхьыгъ», «Зыныбжь имыкъугъэхэм яIофхэмкIэ ыкIи ахэм яфитыныгъэхэм якъэухъумэнкIэ комиссиехэм яхьылIагъ», «Адыгэ Рес­публикэм щыпсэурэ цIыф куп гъэнэфагъэхэм унапкIэмрэ коммунальнэ фэIо-фашIэхэмрэ атефэрэ ахъщэу атырэмкIэ компенсациехэр аIэкIэгъэ­хьэгъэнхэм епхыгъэ къэралыгъо полномочие зырызхэр чIыпIэ зыгъэIорышIэжьыным икъулыкъухэм афэгъэзэгъэнхэм ехьылIагъ», «Тыкъэзыуцухьэрэ дунаим икъэухъумэн фэгъэхьыгъэ Iофтхьабзэхэм язэшIохынкIэ Адыгэ Республикэм икъэралыгъо ­хабзэ икъулыкъухэм яполномочиехэр пхырыщыгъэнхэм ехьылIагъ» зыфиIохэрэр ыкIи нэмыкI Iофыгъохэр.
Адыгэ Республикэм и Къэралыгъо Совет – Хасэм изэхэсыгъо пчэдыжьым сыхьатыр 10-м Адыгэ Республикэм и ЛIышъхьэ и Координационнэ гупчэ (Жуковскэм иур. N 22-м) щаублэщт.
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр