Ашугым ыцIэкIэ зэнэкъокъу
Шъолъыр зэнэкъокъоу «Теуцожь Цыгъо — Адыгеим илъэпкъ ашуг» зыфиIорэр республикэм щырекIокIы.
УсакIор къызыхъугъэр илъэси 170-рэ зэрэхъурэм ипэгъокIэу Теуцожь районым АР-м культурэмкIэ и Министерствэ иIэпыIэгъоу ар зэхищагъ. Усэхэм къяджэщтхэр, орэдыIохэр, театральнэ куп-
хэр ыкIи Теуцожь Цыгъо итворчествэ шIу зылъэгъухэрэр ащ хэлэжьэнхэу рагъэблагъэх.
Зэнэкъокъум къызэрэдыхэлъытагъэмкIэ, ашугым ыусыгъэхэм ащыщ къеджэнхэ, орэд къаIон е ахэм атехыгъэу гъэуцугъэ театрализованнэ къэгъэлъэгъон агъэхьазырын фае. Iофтхьабзэр пэIудзыгъэу рекIокIы, хэлажьэхэрэм видеокIэ зыкъагъэлъагъо. Мы мазэм и 20-м нэс ахэр аштэщтых. Зэфэхьысыжьхэр Теуцожь Цыгъо къызыхъугъэ мафэм, шышъхьэIум и 15-м, къэнэфэщтых. Ахэм ацIэхэр къызщыраIощт мэфэкI къэгъэлъэгъоныр усакIор зыщыщ къуаджэу Гъобэкъуае щыкIощт.
Сурэтыр: АР-м культурэмкIэ и Министерств.