Къалэу Шытхьалэ бас­кетболымкIэ щыкIогъэ зэнэкъокъухэм Мыекъуапэ ибаскетболистхэр хэлэ­жьагъэх.

ЗэIукIэгъухэр стадионэу «Химик» зыфаIорэм щырекIокIыгъэх. ТекIоныгъэм командиплI фэбэ­нагъ: Шытхьалэ икомандэу «Пегасы», Абхъазым къикIыгъэ «Гаг­ры», «Кореновск» зыцIэр ыкIи Мыекъопэ спорт еджапIэм икоманд.
Мыекъопэ спорт еджапIэу В. С. Максимовым ыцIэ зыхьырэм илIыкIохэм апэ зыпари рагъэшъыгъэп, текIоныгъэ къы­дахыгъ. Ары пакIошъ, тиспортсменитIу хэушъхьафыкIыгъэ шIу­хьафтынхэмкIэ къахагъэщыгъэх: Илья Александровыр зэнэкъо­къум ианахь спортсмен дэгъоу агъэнэфагъ, Станислав Герусовыр анахь уасэ зыфашIырэ спорт­сменэу хахыгъ. Спортсменхэр агъасэх тренерхэу Илья Алек­сандровым ыкIи Светлана Зо­лотцевам.