Футбол клубэу «Зэкъошныгъэм» бэдзэогъум и 20-м республикэ стадионым зэIухыгъэ тренировкэхэр щыриIэщтых.

Ахэм яплъынхэу арагъэблагъэх командэу «Зэкъошныгъэр» зикIасэхэр, футболыр шIу зы­лъэгъухэрэр. Пчыхьэм сыхьатыр 7-м ахэр аублэщтых.
Командэм зызэригъэхьазы­рырэм, футбол зэрешIэхэрэм яплъынхэм имызакъоу, футболистхэм аIукIэнхэ, зыгъэгумэкIырэ упчIэхэр клубым ипащэхэм аратынхэ амал ащ къекIуа­лIэхэрэм яIэщт. Ащ фэдэ зэIу­кIэгъухэм клубымрэ ащ испорт­сменхэм алъыплъэхэрэмрэ нахь зэпэблагъэ ашIых. ЗэхэщакIохэр мэгугъэх мы Iофтхьабзэм хэлажьэхэрэмрэ ахэр къызыфэ­кIогъэхэ командэмрэ зы унэгъошхо фэдэу залъытэжьын зэхашIэ яIэщтэу. БлэшъумыгъэкI а мафэр, шъуиунагъохэр шъукIы­гъухэу стадионым шъукIонэу зэ­хэщакIохэр къышъожэх.