Адыгэ РеспубликэмкIэ хэдзынхэм ахэлэжьэн зылъэ­кIыщтхэм япчъагъэ илъэсым тIо агъэнафэ: щылэ мазэм и 1-м ыкIи бэдзэогъум и 1-м. АР-м хэдзынхэмкIэ и Гупчэ комиссие къызэрэфагъэхьы­гъэмкIэ, респуб­ли­кэм щыпсэоу, хэ­дзынхэм ыкIи референдумым ахэлэ­жьэн фитыныгъэ зиIэр бэдзэогъум и 1-м ехъулIэу нэбгырэ 340007-рэ мэ­хъух.

Анахь макIэ зэрысыр Шэуджэн районыр ары, ащ нэбгырэ 11044-рэ къы­щалъытагъэр.
Урысые Федерацием юстициемкIэ и Минис­терствэ игъэIорышIапIэу Адыгэ Республикэм щы-
Iэм къызэритырэмкIэ, по­литическэ партиехэм яшъо­лъыр отделениеу рес­публикэм итхэми зэ­хъокIыныгъэхэр афэхъу­гъэх. Мэкъуогъум и 30-м политическэ партие 17 агъэнэфагъэр.
Шъугу къэдгъэкIыжьын, зыкI мэкъэтыным имафэ муниципальнэ образованиеу «Мыекъопэ районым» инароднэ депутатхэм я Совет идепутат хадзыщт. Ар зы мандат зиIэ хэдзыпIэ коеу N 10-м иятфэнэрэ зэIугъэкIэгъу хэхьэ. МандатитIу зиIэ хэдзыпIэ коеу N 8-м ыкIи мандатитф зиIэ хэдзы-
пIэ коеу N 1-м Тэхъу­тэмыкъое районым инароднэ депутатхэм я Совет идепутатхэр аща­хадзыщтых.