Урысыем и Следственнэ комитет иследственнэ ГъэIорышIапIэу Адыгэ Республикэм щыIэм Мые­къопэ районымкIэ иследственнэ отдел иследовательхэм уголовнэ Iоф къапагъэтэджагъ IэкIыб къэ­ралым игражданинэу щыт хъулъфыгъэмрэ мы районым щыщ нэбгыритIумрэ.

Урысыем и Уголовнэ кодекс ия 322.1-рэ статья ия 2-рэ Iахь къыдилъытэрэ бзэджэшIагъэ (пэшIорыгъэшъэу зэзэгъы­гъэх хэбзэнчъэу кощыным епхыгъэ Iоф зэкъуадзэнэу ыкIи мурадэу ашIыгъэр къыздагъэхъугъ) зэрахьанэу.
Урысыем и Следственнэ комитет иследственнэ ГъэIорышIапIэу Адыгэ Республикэм щыIэм иIофышIэхэмрэ Урысыем хэгъэгу кIоцI IофхэмкIэ и Министерствэ Мыекъопэ районымкIэ иотделрэ зэгъусэхэу бзэджашIэхэм ягъогу пабзыкIыгъ.
ЗэрагъэунэфыгъэмкIэ, 2025-рэ илъэсым гъэтхапэм Мыекъо­пэ районымкIэ станицэу Абадзехскэм щыпсэурэ нэбгыритIумэ IэкIыб къэралхэм къарыкIхэу Урысые Федерацием къакIохэрэр учетым хэгъэуцогъэнхэмкIэ хэбзэгъэуцугъэу щыIэр аукъозэ, хэбзэнчъэу Урысыем къихьэгъэ цIыфыр къызщыхъугъэр къэзыушыхьатырэ тхылъэу къэбар нэпцIхэр зэрытыр къулыкъу гъэнэфагъэхэм къарахьылIагъ. Нэужым Урысыем игражданствэ ащ иIэ хъуным пае а тхылъыр аIэкIигъэхьанэу щытыгъ.
Следовательхэм агъэунэфыгъ ахэм бзэджэшIагъэ зэрэзэрахьагъэр. Урысыем и Уголовнэ кодекс ия 322.1-рэ статья ия 2-рэ Iахь къыдилъытэрэр зэкIэ икъоу гъэунэфыгъэным пае ахэр къаубытыгъэх.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу