Мыекъуапэ иобщественнэ шхапIэхэм ащыщ щагъэ­хьазырыгъэ гъомылапхъэ­хэр зашхыхэм ыуж бэмэ кIэтIый уз яIэу сымэджэщым зэрэчIэфагъэхэм епхыгъэу Урысыем и Следственнэ комитет ислед- ственнэ ГъэIорышIапIэу АР-м щыIэм икъэлэ отдел уголовнэ Iоф къызэIуихыгъ.

ПэшIорыгъэшъэу зэрахьэгъэ уплъэкIунхэм къызэрагъэлъэгъуагъэмкIэ, шхапIэм иунэхэм санитар-эпидемиологие шапхъэхэр ащаукъуагъэхэу къыхагъэщыгъ. Ащ ыпкъ къикIыкIэ нэбгырэ 45-мэ «сальмоннеллез» зыфаIорэ узыр яIэ хъугъэ, ахэм ащыщэу нэбгырэ 11-р зыныбжь имыкъугъэх.
Мы уахътэм уголовнэ Iофэу къызэIуахыгъэм ылъэныкъокIэ следовательхэм ыкIи криминалистхэм хъугъэ-шIагъэм лъапсэу фэхъу­гъэр зэхафы.