Адыгэ Республикэм дзюдомкIэ испортсмен ныбжьыкIэхэр ахэлэ­жьагъэх Тыркуем, къа­лэу Измит, щыкIогъэ зэнэкъокъухэм.

Европэм и Кубок къыдэ­хыгъэным фэбэнагъэх купитIоу гощыгъэхэу илъэс 13-м ыкIи илъэс 15-м нэс зыныбжь спортсмен ныбжьыкIэхэр. Дунэе зэнэкъокъухэу Эмре Язган ишIэжь фэгъэхьыгъэхэм ахэлэжьагъэх 2008-рэ илъэсым къэхъугъэхэр ыкIи нахьыкIэхэр.
Мы зэнэкъокъухэм Адыгэ Республикэр къыщагъэлъэ­гъуагъ дзюдомкIэ республикэ спорт еджапIэу Кобл Якъубэ ыцIэ зыхьырэм зы­щызыгъа­сэхэрэр. Тикомандэ кIыгъугъ тренерэу Хьакурынэ Дамир.
Европэм и Кубок икъыдэхынкIэ илъэс 13-м нэс зыныбжь кIалэхэм язэнэкъокъу Хьасаныкъо Алый апэрэ чIыпIэр щиубытыгъ, илъэс 15-м нэс зыныбжьыхэм азыфагукIэ ящэнэрэ хъугъэ тиспортсменэу Роман Бобровыр. Дунэе зэнэкъокъухэу илъэс 18 зыныбжьыхэр ыкIи ахэм анахьыкIэхэр зыхэлэжьагъэхэми тикIалэхэм ифэшъуашэм тетэу зыкъащагъэлъэгъуагъ ыкIи текIоныгъэ къыдахыгъ Хьасаныкъо Алый, Хьакурынэ Джамбулат ыкIи Къатмэс Тамирлан. Ешыгоо Рэмэзан — тыжьын медалыр, Ситимэ Дэнэф — джэрзыр къахьыгъ.
Зэнэкъокъухэм къэралыгъо 20-м къарыкIыгъэ спортсмен 1000 фэдиз ахэлэжьагъ.