Спорт лъэпкъэу джиу-­джитсымкIэ Урысыем и Къыблэ ичемпионат Краснодар щыкIуагъ.
Ащ хэлэжьагъэх мыекъопэ клубэу «Колизей» ­испортсменхэр ыкIи медалиплI къахьыгъ.

«Колизеим» илIыкIуагъэх Юрий Верениценыр, Беданэкъо Заур ыкIи Мурат Алипашаевыр. Ахэм зэкIэми хагъэунэфыкIырэ чIыпIэхэр аубытыгъэх.
Зэнэкъокъум еплъыгъэхэм анахь ашIогъэшIэгъоныгъэр Юрий Верениценым ибэнакI ары. Ар килограмм 85-м нэс къэзыщэ­чыхэрэм ахэтыгъ. ЗэIукIэгъуищэу ащ иIагъэхэм къащыдыте­хьагъэ пэпчъ амал иIагъэп къытекIонэу, къыфырикъунэу. Уахътэу зэрэбэнэнхэу щытыр амыу­хызэ ащ текIоныгъэр къыдихыщтыгъ ыкIи ифэшъошэ дэдэу чем­пионыцIэр къыратыгъ. Мурат Алипашаевым джэрз медаль къы­хьыгъ, ыныбжь елъытыгъэу ар нэмыкI куп хэтыгъ. Беданэкъо Заур мы зэнэкъокъухэм медалитIу, тыжьыныр ыкIи джэрзыр, къащихьыгъ, бэнэкIэ зэфэшъхьафхэм зэрафэIэпэIасэр къы­гъэлъэгъуагъ.
Мыекъопэ джитсерхэм мыщ фэдэ зэнэкъокъухэм дэгъоу за­къыщагъэлъэгъоным ылъапсэр гъэнэфагъэ — зэпымыоу Iоф зэрэзыдашIэжьырэр, ямурад зэ­рэфакIохэрэр ары. Мыекъуапэ ыкIи зэрэшъолъырэу яспорт щыIэныгъэкIэ «Колизеим» ите­кIоныгъэ мэхьанэшхо зиIэ хъу­гъэ-шIагъ. Ахэр ныбжьыкIэхэмкIэ щысэтехыпIэх. ТапэкIи клубым испортсменхэм ягъэхъагъэ­хэм ахагъэхъон мурад яIэу къагъэзэжьыгъ.