Росгвардием и ГъэIорышIапIэу АР-м щыIэм исаперхэм Хэгъэгу ­зэошхом илъэхъан Адыгеим щагъэфе­дэгъэ къэорэ пкъыгъор агъэкIодыгъ.

ХэбзэухъумэкIо къулыкъум макъэ къырагъэIугъ Мыекъопэ районым ит псэупIэу Новопрохладнэм щыпсэухэрэм къэорэ пкъы­гъом ехьыщырыр псыхъоу Гъошъу къызэрэщагъотыгъэм фэгъэхьыгъэу.
Мы чIыпIэм Росгвар­дием и ГъэIорышIапIэу АР-м щыIэм иотделениеу ОМОН-м икъулыкъушIэхэр псынкIэу нэсыгъэх. Зэгуцэфэхэрэ пкъы­гъор зы­щыщыр ахэм зэрагъэ­шIагъ, къагъотыгъэр Хэ­гъэгу зэошхом илъэхъан агъэфедэщтыгъэ IэкIэ адзырэ гранатэу Ф-1-р арэу къы­чIэкIыгъ.
ОМОН-м исаперхэм къэорэ пкъыгъор агъэ­кIодыгъ.