Урысыем и Следст­веннэ комитет ­иследственнэ гъэIорышIапIэу Адыгэ ­Республикэм щыIэм мысатыу организациеу Iашэм игъэфе­дэнкIэ шапхъэу щы­Iэхэм афэзы­гъасэхэ­рэм ипащэ уголовнэ Iофэу къыпагъэтэ­джагъэм изэхэфын ухыгъэ хъугъэ.

Урысые Федерацием и Уголовнэ кодекс ия 204-рэ статья ия 7-рэ Iахь къыди­лъытэрэ бзэджэшIагъэр (хэбзэнчъэу зекIуи, къуалъ­хьэ къызэраIихыгъэм пае) зэрэзэрихьагъэм пае ар агъэмысэ. Ащ нэмыкIэу, я 327-рэ статьям иа 1-рэ Iахь диштэу ар агъэмысэ къэбар нэпцI зэрыт документхэр зэраритыгъэхэм пае.
2025-рэ илъэсым жъоныгъуакIэм Тэхъутэмы­къое районымкIэ псэупIэу Инэм дэт мысатыу организацием ипащэ курсхэм ащемыджэгъэ цIыфхэу Iашэм игъэфедэнкIэ шап­хъэхэм ащымыгъозэ нэб­гыри 6-мэ къуалъхьэу со­мэ мин 30 къыIихи, курсхэм ащеджагъэхэу тхылъхэр аритыгъэх.
Урысыем щынэгъон-
чъэ­нымкIэ и Федеральнэ къулыкъу и ГъэIорышIапIэ иIофышIэхэм бзэджа­шIэм ихэбзэнчъэ зекIуакIэ гъунэ фашIыгъ.
Адыгеим ипрокурор ыухэсыгъэ зэфэхьысыжьхэр зигъусэ уголовнэ Iофыр хьыкумыр хэплъэным пае фагъэхьыгъ.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ ­Республикэм щыIэм ипресс-къулыкъу.