Спортсмен пэпчъыкIэ гум имыкIы­жьырэ хъугъэ-шIагъэ мэхъу илъэс пчъагъэхэм уиIэпэIэсэныгъэ псы­хьагъэ зыщыхъугъэ спорт еджапIэм укъызыщычIэкIыжьырэ мафэр.

Волейболым фэшъыпкъэхэу, акIуачIэ, якъулайныгъэ ащ езытыгъэ пшъэшъэжъыехэу спорт еджапIэу Джэнчэтэ СултIан ыцIэ зыхьырэм къычIэкIыхэрэмкIэ Мыекъуапэ имэр ишIухьафтынхэр гуапэ хъугъэх. Ахэр тиволейболисткэхэм аритыжьыгъ Мыекъуапэ физическэ культу­рэмкIэ ыкIи спортымкIэ и Комитет ипащэу Дмитрий Щербаневым. Ащ ипсалъэ къыщыхигъэщыгъ мыхэм афэдэ спортсмен-
хэм къалэр зэрарыгушхорэр.
Спорт еджапIэу N 1-м ипащэу Сусанна Кочевам мэфэкI Iоф­тхьабзэм къыщиIуагъ тапэкIи еджа­пIэм мы спорт лъэпкъыр зыIэтыщтхэ ныбжьыкIэхэр зэри­пIущтхэр. ВолейболымкIэ шъо­лъырым ифедерацие ипащэу Блэгъожъ Аюбэ пшъэшъэжъыеу еджапIэр къэзыухыгъэхэм къафэгушIуагъ, спортым имызакъоу, ящыIэныгъэкIи гъэхъэгъэшIухэр ашIынхэу къафэлъэIуагъ. Джащ фэдэу гуфэбэныгъэ зыхэлъ гущыIэхэр тиволейболисткэхэм къафаIуагъ спортым иветеранэу Андрей Шопиным, ны-тыхэм якомитет ипащэу Наталья Долбинам ыкIи еджапIэм иадминистрацие, итренерхэм Iофышхоу ашIэрэмкIэ зэрафэразэхэр къыхагъэщыгъ.

Волейбол командэм итренерэу Галина Путятинам ипсалъэ анахь къыщыхигъэ­щыгъэр пшъэшъэжъыехэм Iоф зыдашIэжьыным зэрэдэмышъхьахыгъэхэм, щэIэгъэшхо зэряIэм, текIоныгъэм сыдигъуи зэрэфэба­нэщтыгъэхэм афэшI зэрафэразэр ары.
Джащ фэдэу ащ къыIуагъ илъэс пчъагъэу зызэкIыгъухэм къыкIоцI зы унэгъо зэгурыIожь дахэ фэдэу зэрэхъугъэхэр ыкIи къа­фэлъэIуагъ ящыIэныгъэ гъогу пытэу тетынхэу, гъэхъэгъэшIухэм афэкIонхэу.