ЗэIухыгъэ зэнэкъокъухэу «всестилевое каратэ» зыфаIорэмкIэ тикъэлэ шъхьаIэ щыкIуагъэхэм ахэлэжьа­гъэхэм зэкIэми ухьазырыныгъэ ­дэгъу зэряIэр къагъэлъэгъуагъ.

Спортсменхэр Адыгеим, Краснодар краим ичIыпIэ зэфэшъхьафхэм къарыкIыгъэх. ­Адыгэ къэралыгъо университетым физическэ культурэмкIэ ыкIи спортымкIэ и Институт испорт­зал каратист 200-м ехъу щызэнэкъокъугъ. Спортсменхэр купи 7-у гощыгъагъэх аныбжь елъытыгъэу, медаль комплект 82-рэ агъэхьазырыгъагъ.
Зэнэкъокъухэм ащызэIукIэгъэ спортсменхэм зыкъаухъумэжьы хъуми, илъыхэу аублэ­ми шIыкIэ-амалэу агъэфедэхэрэм, ятехникэ узыIэпащэщтыгъ, яIэпэIэсэныгъэ уигъэгу­шхощтыгъ. Анахь къахэщыгъэх «бойцовскэ» зыфаIохэрэ клубхэу «Ермак», «Олимпиец», «Кузня», «Тигр», «Диагор», «Медведь», «Кугуар» ыкIи «Санрайз» зыцIэхэм ялIыкIохэр.
Анахь гъэшIэгъоныгъэх, зэнэкъокъу шъхьа­Iэу щытыгъэх чемпион бгырыпхыхэр къыдэхыгъэнхэм зыщыфэбэнэгъэхэ зэIукIэгъуи 10-р.
Мыекъуапэ испортсменхэм ягъэхъагъэхэм тагъэгушIуагъ, анахьэу клубэу «Кузня» зыцIэм итренерэу Владиминр Лубко ыкIи чемпион ныбжьыкIэхэу Руслан Долматовымрэ Хьамдэхъу Ислъамрэ.
ТапэкIэ спортсменхэр ахэлэжьэщтых Урысыем иныбжьыкIэхэм яя VI-рэ гъэмэфэ Спартакиадэ икIэух зэнэкъокъухэу къалэу Орел щыкIощтхэм.