Шъолъыр программэу «Адыгеим и ЛIыхъужъхэр» зыфиIорэм хэлэжьэнэу къыхахыгъэ апэрэ купэу нэбгырэ 18 хъурэм еджэнхэр шышъхьэIум и 25-м рагъэжьэщтых.

Шъугу къэдгъэкIыжьын, хэушъхьафыкIыгъэ дзэ опе­рацием хэлэжьагъэхэр нэужкIэ къэралыгъо ыкIи муниципальнэ хэбзэ къулы­къухэм, къэралыгъо компаниехэм IэпэIэсэныгъэ, къулайныгъэ ахэлъэу Iоф ащашIэным фэгъэхьазырыгъэнхэм программэр тегъэпсыхьагъ. Къэралыгъо гъэIорышIэным ыкIи общественнэ IофшIэным алъэныкъокIэ хэхъоныгъэ зышIы зышIоигъо ветеран ыкIи дзэкъулыкъушIэ нэбгыри 149-мэ проектым хэлэжьэнхэмкIэ лъэIу тхылъ къатыгъагъ. Ахэм ащыщэу нэбгырэ 38-рэ программэм изэхэщакIохэм къыхахыгъ ыкIи ахэр куп-купэу зэтыраутыгъэх — очнэу еджэщтхэр ыкIи IэпэIэсэныгъэ купым хэтыщтхэр.
Программэу зэрэрагъэ­джэщтхэр илъэсым те­лъы­тагъэу едзыгъуиплI мэхъу. Апэрэр шышъхьэIум и 25-м къыщегъэжьагъэу Iо­ныгъом и 4-м нэс кIощт. Ащ къыкIэлъыкIощт электроннэ платформэм пэ­Iудзыгъэ шIыкIэм тетэу щегъэджэгъэнхэр. Аужырэ едзыгъор ащ ыуж къи­кIыщт.
ДзэкъулыкъушIэхэр ягъэхъагъэхэмкIэ къахэщыгъэх, ахэм пстэумкIи къэралыгъо тын лъапIэхэу 34-рэ къафагъэшъошагъ: ЛIыхъужъныгъэм иорден нэбгыри 7-мэ яI, «За заслуги перед Отечеством» зыфиIорэр — 5-мэ, орденэу «За военные за­слуги» — 1-м, бгъэхалъхьэхэу «За отвагу» зыфиIорэр — 10-мэ, «За храбрость» — 2-мэ, Жуковым ыцIэ зыхьырэр — 3-мэ, Суворовым ыцIэ зыхьырэр — 1-м, «За отличие общественного порядка» — нэбгыритIум.
Урысыем и Президен­тэу Владимир Путиным иунашъокIэ программэу «Адыгеим и ЛIыхъужъхэр» тишъолъыр щыпхыращы.