Уголовнэ Iоф къафызэIуахыгъ
Адыгеим щыщ нэбгыритIур экстремист организацием иIофшIэн зэрэхэщагъэхэм фэшI хьыкумым егъэмысэх.
Урысыем и Следственнэ комитет иследственнэ ГъэIорышIапIэу АР-м щыIэм Iоф къинхэм язэхэфынкIэ иотдел иследовательхэм Адыгэкъалэ щыщ нэбгыритIум къафызэIуахыгъэ уголовнэ Iофыр зэхафыгъ. Экстремист организацием иIофшIэн зэрэхэщагъэхэм ыкIи нэмыкIхэр мыщ зэрэхагъэхьагъэхэм афэшI бзэджашIэхэр агъэмысэх.
ЩынэгъончъэнымкIэ федеральнэ къулыкъум и ГъэIорышIапIэу Адыгэ Республикэм щыIэм къыугъоигъэ материалхэмкIэ уголовнэ Iофыр къызэIуахыгъ.
Следствием зэригъэунэфыгъэмкIэ, охътэ заулэкIэ, къызэрагъэшъыпкъэжьыгъэм тетэу, 2017-рэ илъэсым Адыгэкъалэ щызэхэщэгъэ дин организацием хахьэу экстремист дин организацием иIофшIэн зэпимыгъэоу къалэм щыпсэухэрэр хащагъэх.
ГущыIэм пае, 2021-рэ илъэсым мэкъуогъум къыщыублагъэу 2024-рэ илъэсым тыгъэгъазэм нэс чIыпIэ дин организациеу экстремистскэкIэ алъытагъэм изэхэщакIохэм къалэм щыщхэм ренэу зэIукIэгъухэр адишIыгъэх, мы организацием къыхэхьанхэм къыфэджагъэх. ЩынэгъончъэнымкIэ Федеральнэ къулыкъум и ГъэIорышIапIэу АР-м щыIэм хэбзэнчъэу зекIуагъэхэм яIофшIэн къызэтыригъэуцуагъ.
БзэджашIэхэм алъэныкъокIэ къызэIуахыгъэ уголовнэ Iофыр хьыкумым фагъэхьыгъ.
Урысыем и Следственнэ комитет иследственнэ ГъэIорышIапIэу
АР-м щыIэм ипресс-къулыкъу