Урысые Федерацием и Следственнэ комитет иследственнэ ГъэIорышIапIэу Адыгэ Республикэм щыIэм Мыекъопэ районымкIэ иотдел мы районым хэхьэрэ Краснооктябрьскэ чIыпIэ псэупIэм ипащэ игуадзэ ылъэныкъокIэ Урысые Федерацием и Уголовнэ Кодекс ия 293-рэ статья и 1-рэ Iахьэу «Iэпэдэлэлныгъ» зыфиIорэм диштэу уголовнэ Iоф къызэIуихыгъ.

Следствием зэригъэунэфыгъэмкIэ, мэкъуогъум и 26-м, пчыхьэ хъугъэу, поселкэу Краснооктябрьскэм речъэкIырэ псыхъоу Къурджыпс телъ пхъэ лъэмыдж кIэшIагъэм изы Iахь къызэхэуагъ. Мы хъугъэ-шIагъэм ыпкъ къикIэу, а уахътэм ащ рыкIощтыгъэ бзылъфыгъэр къефэхыгъ ыкIи псыхъо мыжъо нэпкъым къызэрэтефагъэм къыхэкIэу шъобжхэр тещагъэ хъугъэ.
ЧIыпIэ псэупIэм ипащэ игуадзэ кIэшIэгъэ лъэмыджым епхыгъэ IофшIэнхэр игъом зэшIуихыгъэхэп. Ащ къы­хэкIэу цIыфым ипсауныгъэ зэрар ехыгъэ хъугъэ.
Мы лъэхъаным следовательхэмрэ криминалистхэмрэ зэхэфын Iофтхьабзэхэр зэшIуахых.
Урысыем и Следственнэ комитет иследственнэ ГъэIорышIапIэу АР-м щыIэм ипресс-къулыкъу