Гандболым и Дунэе мафэ ехъулIэу бэдзэогъум и 12-м Адыгэ къэралыгъо университетым физическэ культурэмкIэ ыкIи спортымкIэ и Институт щыкIощтых зэIухыгъэ зэнэкъокъухэр.

Iофтхьабзэм хэлэжьэщтых гандболым иветеранхэм, непэ командэм хэтхэм ямызакъоу, гандбол клубэу «Адыифым» ригъэблэгъагъэ­хэу мы спорт лъэпкъыр зыгу рихьыхэрэри. Ащ фэдэ Iофтхьабзэм зэрарагъэблагъэхэрэм фэгъэхьыгъэ мэкъэгъэIур клубым исоциальнэ нэкIубгъохэм къарыхьэгъагъ.
Непэрэ Iофтхьабзэм мы спорт лъэпкъыр зикIасэхэм амал къареты нахь благъэу ащ хэщагъэхэ хъунхэу, ешIэгъу гъэшIэгъонхэм ахэлэжьэнхэу.
Зэнэкъокъухэр сыхьатыр 12-м аублэщтых, ыпкIэ хэмылъэу ахэм уяплъын плъэкIыщт. Гандболым имэфэкI гъэшIэгъоныщтэу зэхэщакIохэр мэгугъэх.