Дзэ къулыкъур зыпэкIэ къэт ныбжьыкIэхэр зыхэлэжьэгъэхэ Урысые Спар­та­киадэу къалэу Волгоград щызэхащэгъагъэм икIэуххэр къэнэфагъэх.

Спартакиадэм зыныбжь илъэс 14 – 17 хъугъэ кIэлэ 660-рэ хэлэжьагъ. Ахэр Урысыем ишъо­лъыр зэфэшъхьафхэм къарыкIыгъэх. Зэнэкъокъухэр лъэныкъуитIукIэ рекIокIыгъэх. Апэрэр – физическэ ухьазырыныгъэу яIэр къэгъэлъэгъогъэныр ары. КIалэ-хэр къызэпэчъагъэх, есыгъэх, гранатыр адзыгъ, автоматхэмкIэ уагъэх. ЯтIонэрэ лъэныкъом ныбжьыкIэхэр щызэнэкъокъугъэх дзэ къулыкъум епхыгъэ IэпэIэсэныгъэу аIэкIэлъымкIэ, автоматэу АК-74-м изэхэхын-зэхэлъхьа­жьынкIэ.
КомандэхэмкIэ апэрэ чIыпIэр ыхьыгъ (ящэнэрэ илъэс хъугъэу) Санкт-Петербург, ятIонэрэ хъугъэ Пензенскэ хэкум икомандэ, ящэ­нэрэр Томскэ къикIыгъэ командэм фагъэшъошагъ. Шъузэрэщыдгъэгъозэгъагъэу, Адыгэ Респуб­ликэр мы зэнэкъокъум къыщагъэ­лъэгъуагъ Джэджэ районым иныб­жьыкIэхэм. ЧIыпIэ 52-у агъэ­нэфагъэхэм ахэм я 46-р щаубытыгъ. Ау къыхэгъэщыгъэн фае гранатэу гр 700 зионтэгъугъэм идзынкIэ тикIалэхэм ащыщэу Антон Марчук ятIонэрэ чIыпIэр зэриубытыгъэр.