Гандбол командэу «АГУ-Адыифым» зыгъэпсэфыгъо уахътэр ыухи зичэзыу ешIэгъухэм языфэгъэхьазырын фежьагъ.

Командэм зэхъокIыныгъэхэр фэхъугъэх. Шъузэрэщыдгъэгъозэгъагъэу, «АГУ-Адыифым» хэкIы­жьыгъэх къэлэпчъэIутхэу Людмила Баскаковар ыкIи Екатерина Пивневар. Джащ фэдэу мыщ щешIэжьыщтхэп Къэбж Заремэ, Лилия Кавера, Анастасия Селиверстовар, София Гогия, Анастасия Алексеевар ыкIи Ангелина Балоба. Командэм хэкIыжьынэу щытхэм ахэтыгъ Кобл Зурети, ау гандболыр зикIасэхэм ащ шIухьафтын къафишIыгъ — «АГУ-Адыифыр» къымыбгынэнэу рихъухьагъ.
Джащ фэдэу «Адыифым» къы­хэнагъэх Ирина Бондаренкэр, Анна Локян, Юлия Хавронинар, Елизавета Зарецкаяр, Елена Смирновар, Алина Сергиенкэр, Дарья Гильфановар, къэлэпчъэ­Iутэу Табама Кобадзе, Елизавета Краснокутскаяр ыкIи Виктория Коваленкэр.
Гандболист ныбжьыкIэхэм къа­хащыхи командэ шъхьаIэм хагъэ­хьагъ къэлэпчъэIутэу Ольга Черницовар. Командэм къагъэзэжьыгъ гандболымкIэ Мыекъопэ еджапIэм зыщызыгъэсэгъэ Юлия Кожубековам («Астраханочкэм» хэтыгъ), Дарья Миловам. «АГУ- Адыифым» джы щешIэщтых Евге­ния Гуляевар, Сабина Казихановар ыкIи къэлэпчъэIутэу Алина Черновар («Ростов-Дон» хэтыгъ).
Командэм тапэкIи спортсмен ныбжьыкIэхэр хагъэхьанхэу ра­хъухьэ.
Мы мафэхэм тренерхэу Никита Голубь, Алексей Гузевыр ыкIи Юлия Рохинар япащэу гандболисткэхэм зичэзыу ешIэгъухэм зафагъэхьазыры.