НыбжьыкIэхэр жъугъэу зыхэлэжьэхэрэ Iофтхьабзэу «Фыщтым» шъолъыр зэфэшъхьафхэм къарыкIыхэрэр зэрэзэIуигъакIэхэрэм, яеплъыкIэхэмкIэ зэрэщызэхъожьхэрэм, гумэкIыгъохэмкIэ, къадэхъугъэмкIэ зэрэщызэдэгуащэхэрэм нэмыкIэу зы щыIэныгъэ гъогу зэдытехьащтхэри зэрегъэгъотых.

Ащ ишыхьат хъугъэ унагъом, шIулъэгъуныгъэм ыкIи зэфэшъыпкъэ­ныгъэм я Мафэ Лъэпкъ гупчэу «Урысыем» щыкIорэ я II-рэ Урысые фестивалэу «Россия. Соединяя сердца» зыфиIорэм Iофтхьабзэу «Фыщтым» щызэIукIагъэхэу Адыгеим щыщ Эмилия Макарянрэ Къалмыкъым къикIыгъэ Максим Мустуровымрэ зэрэщызэгуатхагъэхэр. 2023-рэ илъэсым мэфищырэ Фыщт зыщекIолIэгъэхэ зекIом Эмилиерэ Максимрэ ящыIэныгъэхэр зэрипхыгъэх ыкIи зы щыIэныгъэ гъогу зэдытырищагъэх.
Шъугу къэдгъэкIыжьын, «Фыщтым» илъэс къэс Адыгеим ичIыпIэ зэфэшъхьафхэм, Къыблэ ыкIи Темыр-Кавказ шъолъырхэм къарыкIырэ ныбжьыкIэхэр зэфещэх. Мыгъи Адыгеим икъушъхьэхэм ар шышъхьэIу мазэм зэращыкIощтыр АР-м и ЛIышъхьэу КъумпIыл Мурат къащитхыгъ исоциальнэ нэкIубгъохэм. Ащ хэлэжьэщтхэм бэ гъэшIэгъонэу къяжэрэр. Кавказ чIыопс ухъумапIэм ичIыпIэ анахь дахэхэм ащыкIощт зекIоныр ахэм ащыщ. Джыри зы унэгъуакIэ мы мафэм къыдэхъугъ — тичIыгогъухэу Шъхьэ­лэхъо Долэтрэ Нэныжъ Заирэрэ ящыIэныгъэхэр зэрапхыгъэх.

НыбжьыкIэхэр жъугъэу зыхэлэжьэхэрэ Iофтхьабзэу «Фыщтым» шъолъыр зэфэшъхьафхэм къарыкIыхэрэр зэрэзэIуигъакIэхэрэм, яеплъыкIэхэмкIэ зэрэщызэхъожьхэрэм, гумэкIыгъохэмкIэ, къадэхъугъэмкIэ зэрэщызэдэгуащэхэрэм нэмыкIэу зы щыIэныгъэ гъогу зэдытехьащтхэри зэрегъэгъотых.

Ащ ишыхьат хъугъэ унагъом, шIулъэгъуныгъэм ыкIи зэфэшъыпкъэ­ныгъэм я Мафэ Лъэпкъ гупчэу «Урысыем» щыкIорэ я II-рэ Урысые фестивалэу «Россия. Соединяя сердца» зыфиIорэм Iофтхьабзэу «Фыщтым» щызэIукIагъэхэу Адыгеим щыщ Эмилия Макарянрэ Къалмыкъым къикIыгъэ Максим Мустуровымрэ зэрэщызэгуатхагъэхэр. 2023-рэ илъэсым мэфищырэ Фыщт зыщекIолIэгъэхэ зекIом Эмилиерэ Максимрэ ящыIэныгъэхэр зэрипхыгъэх ыкIи зы щыIэныгъэ гъогу зэдытырищагъэх.
Шъугу къэдгъэкIыжьын, «Фыщтым» илъэс къэс Адыгеим ичIыпIэ зэфэшъхьафхэм, Къыблэ ыкIи Темыр-Кавказ шъолъырхэм къарыкIырэ ныбжьыкIэхэр зэфещэх. Мыгъи Адыгеим икъушъхьэхэм ар шышъхьэIу мазэм зэращыкIощтыр АР-м и ЛIышъхьэу КъумпIыл Мурат къащитхыгъ исоциальнэ нэкIубгъохэм. Ащ хэлэжьэщтхэм бэ гъэшIэгъонэу къяжэрэр. Кавказ чIыопс ухъумапIэм ичIыпIэ анахь дахэхэм ащыкIощт зекIоныр ахэм ащыщ.
Джыри зы унэгъуакIэ мы мафэм къыдэхъугъ — тичIыгогъухэу Шъхьэ­лэхъо Долэтрэ Нэныжъ Заирэрэ ящыIэныгъэхэр зэрапхыгъэх.

«Мэхьанэшхо иI зищыIэныгъэ зэзыпхыгъэ ныбжьыкIэхэм агъэ­лъэпIэрэ ямафэ тикъэралыгъо иунэгъо хэбзэ дахэхэм янэпэеплъэу щыт урысые мэфэкIышхом изы Iахь зэрэхъугъэр.
Зэрэгъотыгъэ ныбжьыкIэхэм мэфэкIымкIэ сафэгушIо! Сицыхьэ телъ унагъом игъэпсын нэбгыритIоу зы щыIэныгъэ гъогу зэдытетынхэ, зэгъусэхэу къиныгъохэр зэпачынхэ, якъэкIощт уахътэ зэдагъэпсын унашъо зышIыгъэхэр зэхэшIыкI ин хэ­лъэу зэрэхэдагъэхэм. Псауныгъэ пытэ, щыIэкIэшIу яIэнэу сафэлъаIо!» — къащитхыгъ исоциальнэ нэкIубгъохэм Адыгеим и ЛIышъхьэу КъумпIыл Мурат.
ЗэкIэмкIи бэдзэогъум и 8-м къыщыублагъэу и 10-м нэс Лъэпкъ гупчэу «Урысыем» къэралыгъом ичIыпIэ зэфэшъхьафхэм къарыкIыгъэ унэгъо ныбжьыкIэ 200-м ехъу щагъэшIощт. Зэрэзэгуатхэщтхэм нэмыкIэу унэгъуакIэхэмрэ ахэм яхьакIэхэмрэ Урысыем зэлъашIэрэ иартистхэм яконцертхэм яплъышъущтых, къэгъэлъэгъонхэм, егъэджэнхэм, IофшIэгъу зэIукIэгъухэм ахэлэжьэшъущтых.
Урысые унэгъо джэныкъо машIоу «Урысыем ыгу» зыфиIорэм изэIэпыхын фестивалым хэушъхьафыкIыгъэ чIыпIэ щиубытыгъ. Мы хабзэр Къэгъэлъэгъонэу «Урысыер» зыфиIорэм къыщежьагъ: машIор Муром — шыихъхэу Петррэ Феврониерэ, шIулъэгъуныгъэмрэ зэфэшъыпкъэныгъэмрэ янэпэеплъхэм, ятарихъ епхыгъэ къэлэ анахьыжъым къыращыгъ. Унэгъо джэныкъохэу а машIоу ВДНХ-м и ЗАГС джынэс чIэтыгъэм къыхахыгъэхэр унэгъо пытэмрэ зэIэпахырэ хабзэхэмрэ ятамыгъэхэу хъущтых.