Федеральнэ законэу N 324-ФЗ зытетэу «Урысые Федерацием ыпкIэ хэмылъэу юридическэ IэпыIэгъу зэрэщарагъэкIырэр» зыфиIоу 2011-рэ илъэсым аштагъэм ия 20-рэ статья зэ­хъокIыныгъэхэр фашIыгъ.

Къэралыгъо системэу щыIэм диштэу ыпкIэ хэмылъэу юридическэ IэпыIэгъу зэрагъэкIырэ цIыфхэм япчъагъэ хэпшIыкIэу хэхъуагъ. Ащ фэдэ IэпыIэгъу зэрагъэгъотыщтхэм ащыщых унэгъо Iужъухэу сабыищ ыкIи нахьыбэ зыпIухэрэр, кIалэхэм анахьыжъым ыныбжь илъэс 18 е 23-рэ мэхъуфэ очнэ шIыкIэм тетэу еджапIэ горэм зэрэчIэ­сым пае.
Юристхэмрэ адвокатхэмрэ ыпкIэ хэмылъэу юридическэ IэпыIэгъу цIыфхэм зэрарагъэкIырэ Iофы­гъохэми зарагъэушъомбгъугъ. ЦIыфхэу хьыкумым, къэралыгъо е муниципальнэ къулыкъухэм зиIоф зэхафыхэрэм джы ахэр адэIэпыIэнхэу щыт.
Нымрэ тымрэ ягъэунэфын фэгъэхьыгъэ тхьаусыхэ тхылъхэр хьыкумым езыхьылIагъэхэр, хэбзэ гъэуцугъэм къызэрэдилъытэу, ыпкIэ зыхэмылъ юридическэ IэпыIэгъу щыгугъынхэ алъэ­кIыщт.
ЗэхъокIыныгъэхэм афэгъэхьыгъэ хэбзэгъэуцу­гъэхэр къызщыхаутыгъэхэ мафэм щегъэжьагъэу кIуачIэ яIэ хъугъэ.
Мыекъуапэ къэлэ прокуратур