Урысыем щынэгъончъэнымкIэ ­и Федеральнэ къулыкъу Адыгэ РеспубликэмкIэ и ГъэIорышIапIэ къызэритырэмкIэ, террористическэ нэшанэ зиIэ бзэджэшIагъэхэр зезыхьэхэрэм Урысые Федерацием и Уголовнэ кодекс ия 205-рэ статья диштэу пшъэ­дэкIыжь арагъэхьы.

Террористическэ актхэм анэмыкIэу, террористическэ нэшанэ зиIэ бзэджэшIагъэхэм ахалъытэх:
— террористическэ бзэджэшIагъэхэм ахэщагъэ зэрэхъухэрэр (Урысые Федерацием и Уголовнэ кодекс ия 205.1-рэ статья);
— террористическэ бзэджэшIагъэхэр зэрахьанхэм къызэрэфаджэхэрэр (Урысые Федерацием и Уголовнэ кодекс ия 205.2-рэ статья);
— террористическэ актхэм язехьан зызэрэфагъасэрэр (Урысые Федерацием и Уголовнэ кодекс ия 205.3-рэ статья);
— террористическэ сообществэ зэрэзэхащэрэр ыкIи ащ зэрэхэлажьэхэрэр (Урысые Федерацием и Уголовнэ кодекс ия 205.4-рэ статья);
— террористическэ организацием иIофшIэн зэрэзэхащэрэр ыкIи ащ фэдэ организацием иIофшIэн зэрэхэлажьэхэрэр (Урысые Федерацием и Уголовнэ кодекс ия 205.5-рэ статья);
— террористическэ бзэджэшIагъэ зэрэзэрахьагъэмкIэ макъэ зэрарамыгъэ­Iурэр (Урысые Федерацием и Уголовнэ кодекс ия 205.6-рэ статья).
Уголовнэ пшъэдэкIыжьэу арагъэхьыщтыр бзэджэшIагъэу зэрахьагъэм елъы­тыгъэщт. Сомэ мини 100-м къыщымыкIэрэ тазырым къыщегъэжьагъэу хьапсым нэсэу ахэм пшъэдэкIыжь арагъэхьын алъэкIыщт.
Террористическэ акт зезыхьэхэрэр, пкъыгъохэр къэзыгъаохэрэр, транспорт коммуникациехэр зэщызыгъакъохэрэр, радиоактивнэ, химическэ, бактериологическэ веществокIэ чIыпIэр зыушIои­хэрэр, ащ фэдэ бзэджэшIагъэ зэрахьаным ищынагъо къыздэзыхьыхэрэр Уры­сые Федерацием ия 205-рэ статья ди-
штэу щэIэфэхэ хьапсым дагъэсынхэ алъэкIыщт.
Террористическэ актым изэхэщэнкIэ IэпыIэгъу афэхъухэрэр, къэбархэр е бзэджэшIагъэр зэрэзэрахьащт Iашэхэр аIэкIэзыгъахьэхэрэр, бзэджашIэхэм яужхэр чIэзыухъумэнэу къэзыгъэгугъэ­хэрэр, терроризмэм зимылъку хэзылъхьэхэрэр Урысые Федерацием ия 205.1-рэ статья диштэу щэIэфэхэ хьапсым дагъэсынхэ алъэкIыщт.
Къэбар жъугъэм иамалхэр е Интернетыр къызфагъэфедэхэзэ, террористическэ бзэджэшIагъэхэр зехьэгъэнхэм къыфаджэхэрэм е терроризмэм зэрэдырагъаштэрэр цIыфхэм апашъхьэ къыщызыIохэрэм Урысые Федерацием ия 205.2-рэ статья диштэу сомэ миллионым нэс тазырэу арагъэтын е илъэси 7-м нэсэу хьапс атыралъхьан алъэкIыщт.
Террористическэ бзэджэшIагъэхэм язехьанкIэ шIэныгъэ, къулайныгъэ гъэ­нэ­фагъэхэр зыIэ къизыгъахьэхэрэм, цIыф­хэм щынагъо къафэзыхьын зылъэ­кIыщт Iашэхэр, къагъэорэ пкъыгъохэр зэрагъэфедэрэ шIыкIэр зэзыгъашIэхэрэм Урысые Федерацием ия 205.3-рэ статья диштэу щэIэфэхэ хьапсым дэсынхэу пщыныжь атыралъхьан алъэкIыщт.
Террористическэ сообществэ (террористическэ куп) зэхэзыщэрэм ыкIи ащ хэлажьэрэм Урысые Федерацием ия 205.4-рэ статья диштэу щэIэфэ хьапсым дэсынэу пщыныжь тыралъхьан алъэ­-
кIыщт.
Террористическэ организацием иIоф­шIэн зэхэзыщэхэрэм ыкIи ащ хэла­жьэхэрэм (спонсорхэр, унэхэр, организацием хэлэжьэщтхэр къэзыгъотыхэрэм, зэIукIэхэр зэхэзыщэхэрэм, агитационнэ тхьапэхэр аIэкIэзыгъахьэхэрэм, банк счетхэр зыгъэфедэхэрэм) Урысые Федерацием ия 205.5-рэ статья диштэу илъэси 10-м щегъэжьагъэу илъэс 20-м нэсэу хьапсрэ сомэ миллионым лъыкIэхьэрэ тазыррэ атыралъхьэ е опсэу­фэхэ хьапсым дэсынхэу агъэнафэ.
Террористическэ нэшанэ зиIэ бзэджэшIагъэхэр зэрэзэрахьагъэхэмкIэ хэбзэ къулыкъухэм макъэ язымыгъэIухэрэм Урысые Федерацием ия 205.6-рэ статья диштэу сомэ мини 100-м нэсэу тазыр арагъэтын е егъэзыгъэкIэ илъэс фэдизрэ Iоф арагъэшIэн, е илъэсым нэсэу хьапс атыралъхьан алъэкIыщт.
Урысыем щынэгъончъэнымкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу