Ухьазырын дэгъу къагъэлъэгъуагъ
Къалэу Грознэм бэмышIэу щыкIуагъ дронхэм язэнэкъокъухэр.
Ахэм ахэлэжьагъэх Темыр-Кавказ ыкIи Къыблэ федеральнэ шъолъырхэм ялIыкIохэр. Адыгэ Республикэм икIыгъэхэм ухьазырыныгъэ дэгъу къагъэлъэгъуагъ ыкIи хагъэунэфыкIырэ чIыпIищ къахьыгъ.
Зырыз зэнэкъокъухэу «классэу 75-мкIэ» пшъэшъэжъыехэм азыфагу щыкIуагъэм ящэнэрэ чIыпIэр ащиубытыгъ Тэхъутэмыкъое районым щыщ Елена Синицынам.
Хъулъфыгъэхэми мыдэеу зыкъагъэлъэгъуагъ. Мыекъуапэ щыщ Егор Крицкэм ыкIи Мыекъопэ районым илIыкIоу Матвей Вереневым джэрз медальхэр къахьыгъ.
Урысыем ичемпионатэу ыкIи ипервенствэу чъэпыогъум зэхащэщтхэм ахэр ахэлэжьэнхэу щыт.