Шъолъыр прокуратурэм уплъэкIунэу ригъэкIокIыгъэхэм къакIэлъыкIоу Урысыем и Следственнэ комитет ислед- ственнэ ГъэIорышIапIэу АР-м щыIэм Тэхъутэмыкъое районымкIэ Бжыхьэкъоежъ къоджэ псэупIэм ипащэ ылъэны-къокIэ уголовнэ Iоф къызэIуихыгъ. ИIэнатIэ къызфигъэфеди бзэджэшIагъэ зэрэзэрихьагъэм фэшI ар агъэмысэ.

ЗэрагъэунэфыгъэмкIэ, 2023-рэ илъэсым чъэпыогъум Бжыхьэкъоежъ къоджэ псэупIэм ипащэ псы­хъоу Пшызэ инэпкъ пэгъунэгъоу щылъ чIыгу Iахьым мэкъумэщ хъызмэтшIапIэ щагъэпсынымкIэ хэбзэнчъэу унашъом зэхъокIыныгъэхэр фишIыгъэх. Былымхэр щахъуным тегъэпсыхьэгъэ чIыгу Iахьыр нэужым пащэм осэ макIэкIэ зыгорэм рищагъ.
Пащэм изекIуакIэкIэ федеральнэ мэхьанэ зиIэ псы псэуалъэр цIыфхэм агъэфедэн фимытхэ хъугъэ ыкIи муниципальнэ образованием ибюджет сомэ миллион 14-м ехъу зэрар ригъэшIыгъ.
Мы мафэм ехъулIэу уголовнэ Iофэу къызэIуахы­гъэмкIэ следственнэ IофшIэнхэр рагъэкIокIых, бзэджэшIагъэм лъапсэ фэхъугъэр зэрагъашIэ.
Уголовнэ Iофым изэхэфын зэрэкIорэм Урысыем и Следственнэ комитет иследственнэ ГъэIорышIапIэу АР-м щыIэм ипащэу Василий Лариныр ежь ышъхьэкIэ лъэплъэ.
Урысыем и Следственнэ комитет иследственнэ ГъэIорышIапIэу АР-м щыIэм ипресс-къулыкъу.