Интернет-гъэпцIакIохэм амыгъэделэнхэм пае къэралыгъо фэIо-фашIэхэмкIэ портал зыкIым фэIо-фэшIакIэу «Жизненная ситуация» зыфиIорэр щагъэцакIэ хъугъэ.
ГъэпцIакIохэм арихьылIагъэхэм е Интернетыр щынэгъончъэу къызфэзгъэ­федэ зышIоигъохэм къашъхьэпэщт къэбархэр нэкIубгъо зыкIым щызэхэ­угъоягъэх.
Зигугъу къэтшIыгъэ фэIо-фашIэм мыщ къыкIэлъыкIорэ амалхэр арегъэгъоты:
— чIыфэхэр нахьыбэрэ къазэраIамыхыжьыщтхэмкIэ лъэIу тхылъыр аIэкIагъэхьанэу;
— чIыфэу къаIахыгъэхэр ыкIи атыжьыгъэхэр, SIM-картэу атетхагъэхэр зэрагъэшIэнэу;
— гуцафэ языгъэшIыгъэ горэ къызэрафытеуагъэмкIэ макъэ арагъэIунэу;
— шъушъхьэ фэгъэхьыгъэ къэбархэр Интернетым зишъулъагъокIэ, шъузэрэзекIощтыр зэжъугъэшIэнэу;
— фэIо-фэшIэ лъэпкъ зэфэшъхьафхэр зыгъэцэкIэрэ гупчэм (МФЦ) икъутамэхэу нахь къапэблагъэхэр къагъотынэу;
— зэкъодзэн IофхэмкIэ гъэпцIакIохэм амалэу зэрахьэхэрэр зэрагъэшIэнэу;
— цифрэ технологиехэм ягъэфедэнкIэ яшIэныгъэ зынэсырэр ауплъэкIунэу;
— зышъхьэ къипхы мыхъущт къэбархэм, компьютер системэхэм якъэухъу­мэн тегъэпсыхьэгъэ курсхэм ащеджэнхэу зарагъэтхынэу.
Мыекъопэ къэлэ прокуратурэм
ипресс-къулыкъу.