ГОСТ Р 52289-2019 «ГъогурыкIонымкIэ техническэ амалхэр. Гъогу тамыгъэхэр, гъэтхъыгъэхэр, нэфрыгъуазэхэр, къэшIыхьагъэхэр зэрагъэфедэрэ шIыкIэр» зыфиIорэм игуадзэу N 1-м 2026-рэ илъэсым щылэ мазэм и 1-м къыщегъэжьагъэу кIуачIэ иIэ хъущт.

ЗэхъокIыныгъэхэм адиштэу:
*гъучIхэм ахэшIыкIыгъэ тамыгъэу пкъэухэм апалъэрэ «Стоп-линия» зыфиIорэр загъэфедэщтыр лъэсгъогухэм атырашIыхьэрэ тамыгъэмкIэ шапхъэу щыIэхэр агъэцэкIэнхэу амал щымыIэ зыхъукIэ ары, цIыфхэр щынэгъончъэу зекIонхэм ар фытегъэпсыхьагъ;
*гъогу тамыгъакIэхэр агъэфедэхэу рагъэжьэщт. ГущыIэм пае, тамыгъэхэу 5.15.9 «Гъогу шъолъырхэм якъежьапI», 6.2.1 «IэрышI хэIэтыкIыгъэхэр зэпачыхэ зыхъукIэ скоростэу аIыгъын алъэкIыщтыр» зыфиIохэрэр, информационнэ табличкэу 8.15.1 «ЛъэсрыкIо дэгухэр» зыфиIорэр ыкIи нэмыкIхэр;
*тамыгъэ заулэмэ ятеплъэ зэхъокIыныгъэ фэхъугъ, гущыIэм пае, информационнэ табличкэхэу 8.1.3, 8.1.4 «Псэуалъэм нэсынхэмкIэ гъогууанэу акIурэр» зыфиIорэр;
*информационнэ тамыгъэхэу 6.9.1-м, 6.9.2-м, 6.10.1-6.12-м атетхагъэхэм якъоожьынхэ алъэкIыщт шъолъыр плъыжь зэблэдзыгъитIукIэ.
Джащ фэдэу автомобиль уцупIэхэм яинагъэ зыфэдизын фаеми хэплъэжьыгъэх. ГущыIэм пае, ащ икIыхьагъэ зэрэметри 6,5-у къэнэжьыгъ, ишъомбгъуагъэ къыщагъэкIагъ: метри 2,5-рэ хъущтыгъэмэ, метри 2,25-м нагъэсыгъ.

Мыекъопэ къэлэ прокуратурэм
ипресс-къулыкъу.