Ифитыныгъэхэр зэтырагъэуцожьыгъ
Мыекъуапэ ипрокурорэу Максим Яковенкэр Хэгъэгу зэошхом иветеранэу, илъэс 97-рэ зыныбжь Екатерина Белоусовам дэжь щыIагъ.
Илъэс 16 ыныбжьэу 1943-рэ илъэсым ищылэ мазэ нэмыц-фашист техакIохэр къазытебанэхэм цIыфхэм иIэпыIэгъу аригъэкIынэу ар Мыекъопэ дзэ госпиталым Iухьагъ, уIагъэ зытелъхэм алъыплъагъ.
Ащ иIахьылым къыраIуагъ бзылъфыгъэ хэкIотагъэм сэкъатныгъэ зэриIэр, ау ипсауныгъэ зэтыригъэуцожьын ылъэкIынэу хэушъхьафыкIыгъэ программэм зэрэхамыгъэуцуагъэр.
Къалэм ипрокурор мы лъэныкъомкIэ хэбзэ фитыныгъэу щыIэхэр агуригъэIуагъ, джащ фэдэу медицинэ учреждениехэм ыкIи ахэм япхыгъэ организациехэм ветеранхэм ящыкIэгъэ лъэныкъохэмкIэ уплъэкIунхэр зэхащэнхэ фаеу къариIуагъ.
Мы мафэм ехъулIэу Екатерина Белоусовам ипсауныгъэ зэтыригъэуцожьын ылъэкIынэу хэушъхьафыкIыгъэ программэм хагъэуцожьыгъ. Ащ ишIуагъэкIэ ыпкIэ хэмылъэу техническэ пкъыгъохэр къызIэкIигъэхьанхэ ылъэкIыщт.